Thursday, 16 February 2012

ကောက်သင်းကောက် . . .

ဒီရက်ပတ်ထဲမှာ 
အလုပ်များရတဲ့ကြားမှာမှ ဦးဟန်ကြည်ရဲ့ ကဗျာအာရုံတွေ ထူးထူးဆန်းဆန်းပဲ နိုးကြားနေပြန်ပါတယ်။ ကဗျာရေးဖို့ အကြည်ဓာတ်ခမ်းနေခဲ့တာ လေးငါးခြောက်လလောက်ကြာခဲ့ပြီးမှ အလည်ပြန်လာတဲ့ ကဗျာဝိညာဉ်က နိုးမယ့်နိုးထတော့လည်း ကွန်မန့်ပေးတာတောင် ကဗျာတွေထွက်နေတဲ့ အထိပါ။ ဘယ်အချိန်အထိ ကဗျာအကြည်ဓာတ်တွေ စိမ့်ထွက်နေမယ်ဆိုတာ မခန့်မှန်းနိုင်တာကြောင့် အာရုံဝင်စားတုန်းမှာ ကဗျာတွေတော်တော်များများ ကောက်သင်းကောက်ထားမိပါတယ်။

ဒီကဗျာကို လေးချိုး ပုံစံနဲ့ ရေးထားတာပါ။

 လေးချိုးရဲ့ အဓိပ္ပာယ်ဖွင့်ဆိုချက်ကို “ တက်သံခေါ် ပကတိသံဖြင့် ချရသော အချုိုးနှစ်ခုနှင့် အောက်မြစ်သံ ၀ိသဇ္ဖနီသံတို့ဖြင့် ချရသော အချိုးနှစ်ခု ပေါင်းအချုိုးလေးခုပါဝင်သော ကဗျာအမျိုးအစား ” လို့ ဖွင့်ထားပါတယ်။

လေးချိုးကဗျာ တစ်ပုဒ်ရဲ့ စာတစ်ကြောင်း၊ ပါဒတစ်ခုနဲ့ နောက်ပါဒ တစ်ခုကြားမှာ ကာရန်နဲ့ ချိတ်ရပါတယ်။ အဲဒီကာရန်ကိုတော့ ပိုဒ်တွင်းကာရန်လို့ခေါ်ပါတယ်။ အခုရေးထားတဲ့ကဗျာမှာ ပထမပါဒ အဆုံးဖြစ်တဲ့ “ က ” နဲ့ ဒုတိယပါဒမှာ သုံးထားတဲ့ “ ပြ ” ကို ပိုဒ်တွင်းကာရန် ယူထားပါတယ်။ စာလုံးတိုင်း နဘေထပ်ပြန်ယူတဲ့ မန်ကျည်းရွက်သတ် နဘေကိုလည်း သုံးလို့ရပါသေးတယ်။ မန်ကျည်းရွက်သတ်နဘေကိုတော့ ဆရာကြီးသခင်ကိုယ်တော်မှိုင်းရေးတဲ့ မဟာလေးချိုးကြီးတွေမှာ အများဆုံးတွေ့နိုင်ပါတယ်။ ဆရာကြီးရဲ့ “ အညာမင်္ဂလာဆောင် ” လေးချိုးကြီးမှာ
“ ကျုပ်တို့အညာမှာ မင်္ဂလာတစ်မျိုးပေပ
အဟုတ်ဗျုို့ဓမ္မတာ အစဉ်အလာမညှိုးခဲ့ပါဘု ”
-ဆိုတာ မန်ကျည်းရွက်သတ်ပါ။

အချိုးလေးချိုးမှာ ပထမအချိုး(စာပိုဒ်)နဲ့ ဒုတိယအချိုး၊ တတိယအချိုးနဲ့ နောက်ဆုံးအချိုးမှာ နှစ်တွဲစီ အဆုံးသတ်အချိုးကာရန် ညီအောင် ယူရပါတယ်။ ပထမအချိုးကာရန် “ လွယ် ” ဒုတိယ အချိုးကာရန် “ တယ် ”၊ တတိယအချိုးကာရန် “ ရဲ့ ” နောက်ဆုံးအချိုးကာရန် “ ခဲ့ ” ဆိုတာတွေ အတွဲလိုက် ညီအောင်ယူထားတာ တွေ့နိုင်ပါတယ်။

ဒုတိယအချိုးနဲ့ တတိယအချိုးကို ခွာထောက်ကာရန်ယူရပါတယ်။ အဲဒီလိုမယူမိရင် နောက်ဆုံးအချိုးနှစ်ချိုးက သီးသန့်ဖြစ်သွားပြီး ကဗျာပုံစံ ပျက်သွားပါတယ်။ လေးချိုးမဟုတ်တော့ဘဲ ဒွေးချိုးနှစ်ပုဒ်ဆင့် ဖြစ်သွားပါလိမ့်မယ်။ ဦးဟန်ကြည်ရေးထားတဲ့ ကဗျာမှာ ပထမ အချိုးကာရန်က “ လွယ် ” ဖြစ်ပြီး ဒုတိယ အချိုးကာရန်က “ တယ် ” ဖြစ်ပါတယ်။ အဲဒီ “ အယ် ” ကာရန်ကို တတိယအချိုးရဲ့ ပထမပါဒ(စာကြောင်း)မှာ ပြန်ထည့်ပြီး “ ဖယ် ”ဆိုတဲ့ စာလုံးကို သုံးထားတာ ခွာထောက်ကာရန်လို့ ခေါ်ပါတယ်။

ကဗျာဆိုတာ ဘာသာစကားရဲ့ အညွန့်အဖူးဖြစ်တာမို့ စာပေကို မြတ်နိုးသူတစ်ယောက်အနေနဲ့ ကဗျာတွေကိုလည်း အထိုက်အလျောက် လေ့လာသင့်လှပါတယ်။ ကဗျာချစ်သူတစ်ယောက်အနေနဲ့လည်း ခေတ်ပေါ်ကဗျာတွေကို ခံစားသလို ရှေးရိုးဖွဲ့ထုံးတွေကိုလည်း အထိုက်အလျောက် နားလည်ထားရင် ကဗျာရဲ့ နုညံ့သိမ်မွေ့တဲ့ ရသနဲ့ အလှအပကို ပြည့်ပြည့်၀၀ ခံစားနိုင်ပြီး ကိုယ်တိုင်ဖန်တီးတဲ့အခါမှာ အရည်အသွေးပိုပြည့်လာပါလိမ့်မယ်။

ဒါကြောင့် ကဗျာတစ်ပုဒ်ရေးဖြစ်တိုင်းမှာ ရေးထားတဲ့ကဗျာဖွဲ့ထုံးကို အထိုက်အလျောက်ရှင်းပြဖို့ စိတ်ကူးမိပါတယ်။ ငါသိ၊ ငါတတ်ဆိုတဲ့ စိတ်မျိုးမွေးပြီး ဆရာလုပ်ချင်စိတ်နဲ့မဟုတ်ဘဲ မြန်မာကဗျာဖွဲ့ထုံးကို စိတ်ဝင်စားရင် လေ့လာနိုင်အောင်ဆိုတဲ့ ဆန္ဒနဲ့ပါ။ ကဗျာရဲ့ ဆိုလိုရင်းကိုတော့ ခံစားမှု အနုအရင့်အလျောက် ကိုယ်တိုင်ခံစားကြဖို့ ဒီအတိုင်းပဲ ထားလိုက်ပါတယ်…

“ နွယ် ”

လောက
ပြောပြတော့ တယ်မလွယ်…။

သံယောဇဉ် သည်တရားရယ်ကြောင့်
ခါးချိလှတယ်…။

တိမ်းရှောင်ဖယ်
အဆွေးနယ် တစ်ကိုယ်ချဉ်းပါလို့
ငိုရင်းသာ ဖာသာနေချင်ရဲ့…။

ငြိတွယ်လာ သည်နှောင်ကြိုးတွေကြောင့်
သည်ကိုယ်မှာ ဒဏ်ရာဆိုးပါရဲ့
သံသရာ ဖန်ခါခါနစ်ချင်ဘု
မြန်မကြာလွတ်နိုင်ကြောင်းကိုကွယ်
တောင်းဆုပန်ခဲ့…။    

ဟန်ကြည်
၇.၂.၂၀၁၂ ( အင်္ဂါနေ့ )

16 comments:

Angelhlaing(May everybody be happy and healthy! said...

မြန်မာ ကဗျာစစ်စစ်ရဲ့ ကာရံတွေကို နှစ်သက်ပေမယ့် စမ်းရေးကြည့်တိုင်း တလွဲကြီးမို့... ကိုယ်တိုင် အဖြစ်မရှိတာ..သိလိုက်ရတယ် :) ခံစားအားပေးသွားတယ်အကို ..

မောင်မျိုး said...

ဆရာ ကဗျာတွေ ရွတ်ပြတုန်းက ကျနော်က ကဗျာဆို သိပ်မသိဘူးဗျလို့ပြောမိတာလေး သတိရတယ်း))

ကျနော်သာ လေးချိုးစပ်လိုက်လို့ကတော့လား စာလုံးပေါင်းကမှား နဘေက မထိနဲ့တော့ဖတ်ကောင်းမယ့်ဖြစ်ခြင်းး)) ဒါနဲ့ စာလုံးပေါင်းသတ်ပုံကျမ်းတွေ့ရင် ၀ယ်ထားပေးအုံးနော် ကျနော် စာလုံးပေါင်းတွေ သတိထားပြင်ရအောင် ဟဟား

Aung Htut said...

ကျေးဇူးပါ ခင်ဗျာ... ဆရာဟန်ရှင်းပြတဲ့ လးချိုး၊ ဒွေးချိုးနဲ့ ကာရံ အကြောင်း မှတ်သားသွားပါတယ် ခင်ဗျာ.... နွယ် ကတော့ ကောင်းတယ်... တစ်ချိန်လုံးကို နွယ်နေတာပဲ :)

မြစ်ကျိုးအင်း said...

ကဗျာဖွဲ့ထုံးလေး ကြိုရှင်းပြတာ ကောင်းတယ်ဆရာဟန်။
ဖတ်နေရင်းနဲ့ ရေးဟန်ကို ပြန်တိုက်ပြီး အရသာ ပိုတွေ့ရသလို ဒီလိုရေးဖွဲ့ရပါလားဆိုပြီးလည်း သုတ တိုးရတယ်။

မြစ်ကျိုးအင်း said...

ဒါထက် ဒီည မန်ယူရဲ့ ယူရိုလိဂ် အရသာလေး မြည်းစမ်းဖို့ မမေ့နဲ့အုံးနော်။ တခါတလေ အောက်ဆင်း ကန်ရတုန်းလေး :)

jasmine(တောင်ကြီး) said...

ဒီနှောင်ကြိုးတွေကြောင့်အချစ်တွေတိုးပြီးရင်းတိုးလို့
ရင်ဘတ်ထဲမှာဒဏ်ရာဆိုးတွေနဲ့ပြည့်ခဲ့ရပြီဆိုပြီးကျွန်မ
ရေးခဲ့ဖူးတယ်ဆရာရေ--------ကြာခဲ့ပါပြီ
ဆရာကဗျာလိုအနှစ်သာရမရှိဘူး....
ဆရာကဗျာက တစ်ကယ့်အနှစ်ပဲ
ခင်ခင်မင်မင် jasmine

ကိုရင် said...

အဲ့ဒီလို သိတဲ့လူတွေ ရှားကုန်ပီ..
ခေတ်ရဲ့ အလိုအတိုင်း နေမှာပါ ဆရာရေ.. :)

san htun said...

ရှင်းပြပေးတာ ကျေးဇူး ဆရာဟန်ရေ..

နေ၀သန် said...

း).. လေးချိုးကဗျာအဓိပ္ပါယ်ကိုကြည့်ရင်း ကိုးတန်းတုန်းက စိတ်ကြိုက်မြန်မာစာ အစမ်း ၂ ပတ်တာကာလကို သတိရသွားတယ်... ကဗျာဥာဏ်ထွက်တဲ့သူများကျတော့ ထွက်တယ်.... နေ၀သန်တို့မှာတော့ ဖြစ်ညှစ်ရင်တောင် မထွက်.. :P..

ခင်မင်လျက်
နေ၀သန်

ဟန်ကြည် said...

အဲဒီလိုလည်း မဟုတ်သေးပါဘူး ဂျက်ရယ်...
ကဗျာဆိုတာ ဖွဲ့ထုံးမတူတာပဲ ရှိပါလိမ့်မယ်...တစ်ခုခုကို ပေးချင်တဲ့ စေတနာနဲ့ ရသကတော့ အတူတူပဲမို့ ကဗျာတိုင်းမှာ သူ့အနှစ်သာရနဲ့သူ ပြည့်နေတာပါပဲ...

ရှေးရိုးကဗျာက တစ်မျိုးလှသလို ခေတ်ပေါ်ကဗျာတွေကလည်း တစ်ဘာသာ လှတာပါပဲ...လှယဉ်ကျေးမယ်နဲ့ မော်ဒယ်ဂဲလ်လိုပေါ့လေး)

မဒမ်ကိုး said...

ကဗျာတွေကိုလေ့လာဦးမှဘဲ ၀ါသနာမပါတာလဲပါတယ် ဖတ်ယုံခံစားယုံလောက်ပဲရယ်
ဆရာရှင်းပြတော့လဲဟုတ်သားနော်

မောင်ဘကြိုင်(ချဉ်ပေါင်ခြံ) said...

ဆရာကြီးတစ်ယောက်ရေးထားတာဖတ်ဖူးတယ်

ကဗျာမှာ ကြိုးလို့ရေးလိုက်တာနဲ့ ကဗျာဖတ်သူက မြွေကို ဆိုလိုကြောင်းနားလည်ရမယ်တဲ့

မြန်မာကဗျာရဲ့အတိမ်နက်ကို လေ့လာမဆုံးသလို ခက်ခဲလွန်းတယ် မြန်မာကဗျာတွေရေးချင်တယ် ဒါပေမယ့် ဆြာရယ် အခြေခံမပိုင်တော့ မလွယ်ဖူး
အားကျဆုံးကတော့ မန်လည်ပျို့တွေပေါ့ဆြာ ရေ

သတိုး said...

နွယ်ဆိုမှတော့
ရုန်းရင်းငြိတွယ်
တလည်လည်ပါပဲ ဆရာရယ်။း)
ခင်မင်သော...သတိုး

နွေးတေးရှင်(မင်းဧရာ) said...

ဆရာ...
ဖြစ်နိုင်ရင်တော့ များများရှင်ပြပေးစေချင်တယ်ဗျာ။

ရေးသာရေးနေရတယ် လာဖတ်တဲ့သူတွေကိုလည်း အားနာလှပြီ ကိုယ့်ကိုကိုယ်လည်း ရှက်လှပါပြီ။

ဘာဆိုဘာမှ နားမလည်ပါဘဲ ကိုယ့်ရင်ထဲရောက်လာရင် ရေးချင်မိတဲ့ အဲဒီစိတ်ကြောင့် ခက်ရတာပေါ့ ဆရာ...။
အဲဒါကြောင့်များများရေးပြီး များများရှင်းပြပေးစေချင်ပါတယ် ဆရာ။

ဟန်ကြည် said...

မင်းဧရာရေ...

စိတ်ပျက်စကား အပြောမစောစမ်းပါနဲ့ဦးလား...မင်းဧရာ ရေးထားတဲ့ကဗျာတွေ ကောင်းလွန်းလို့ တစ်ချို့ကဗျာများဆိုရင် ကော်ပီတောင် ကူးထားမိသေးတာပဲ...

ကဗျာကောင်းကင်ဆိုတာ လွတ်လပ်ကျယ်ပြောတဲ့ နယ်ပယ်ပါ...အနုပညာဆိုတာကလည်း ကိုယ်ယုံကြည်သလို၊ ကိုယ်ခံစားရသလို စိတ်ကြိုက်တင်ပြခွင့်ရှိတာပါပဲ...မင်းဧရာ ကြိုက်သလို ရေးနိုင်၊ ဖွဲ့နိုင်ပါတယ်...စာသမားတစ်ယောက်ရဲ့ စေတနာကို စာဖတ်သူတိုင်း ခံစားနိုင်တာမို့ မင်းဧရာရဲ့ ကဗျာတွေထဲက စေတနာတွေ ကဗျာဝိညာဉ်တွေကို နားလည်ကြတဲ့သူတွေချည်းပါ...

ဆရာ ရှင်းပြဖြစ်တယ်ဆိုတာကလည်း မြန်မာကဗျာဖွဲ့ထုံးကို ဗဟုသုတအနေနဲ့ သိစေချင်တဲ့ ဆန္ဒနဲ့ပါ...ဒီပုံစံဖွဲ့မှ ကဗျာမည်တယ်လို့ ကန့်သတ်ချင်တဲ့ သဘောလည်း မဟုတ်ပါဘူးလေ...တစ်ခါတစ်ခါကျတော့လည်း ပုံသဏ္ဍာန်နဲ့ ဖွဲ့စည်းပုံနောက်ကိုလိုက်ရင်း အကြောင်းအရာပိုင်းမှာ အားနည်းသွားတတ်သေးတာမို့ ဘောင်ကြီးထဲမှာလည်း ထည့်မထားစေချင်ဘူး...

နောက်ကဗျာတွေ တင်ဖြစ်ရင်လည်း နိုင်သလောက်တော့ ရှင်းပြသွားပါဦးမယ်...မင်းဧရာက မြန်မာရနံ့ကဗျာတွေကို မြတ်မြတ်နိုးနိုး ရှိလွန်းတာမို့ တစ်ခုခု မေးချင်မြန်းချင်ရင်လည်း ဆရာ့မေးလ်ကို အက်ထားဖို့ အကြံပေးပါရစေ...ဆရာတတ်သလောက် ဖတ်ထားသလောက်တော့ အကြံပေးနိုင်ပါလိမ့်မယ်...

ဆူးသစ် said...

ရှားရှားပါးပါး ကိုဟန်ကြည့်ဆီက ကဗျာဖတ်ရတယ်လို့ထင်ပါတယ်။ ကောင်းပါတယ်ဗျာ။ နောက်ထပ် နွယ် ပေါ့။ အဲဒီလိုလေးတွေ သေသေချာချာရှင်းပြတာလည်း မသိတဲ့သူတွေ လေ့လာလို့ရတာပေါ့။ ဆက်လက်အားထုတ်နိုင်ပါစေဗျာ။ ကဗျာချစ်သူတစ်ဦးအနေနဲ့ကတော့ ဘယ်ကဗျာဖတ်ရဖတ်ရ ၀င်စားမိတာပါပဲ။ ဆက်ရေးပါဗျာ။

ကြိုက်ရင်ပေါ့လေ . . .