Friday 4 June 2010

လွယ်လွယ်လေးနဲ့ ခက်နေတယ် . . .

တစ်မနက်လုံး ကွန်ပျူတာအသစ်နဲ့ ရန်ဖြစ်နေရတာ စိတ်ကိုကုန်ပါလေရော။ မီးလေးတစ်ချက်မကစားလိုက်နဲ့ ဒေါက်ဆိုပြုတ်ကျပါရော။ ငါးမိနစ်အတွင်း သုံးခါပြုတ်ကျပြီးတဲ့နောက်တော့ ခန္တီစတရားကို လက်ကိုင်ထားလိုက်ရတယ်။ တကယ်တော့မနိုင်လို့သည်းခံရခြင်းသည်လည်းကောင်းပေါ့လေ။ စိတ်ရှည်တယ်ဆိုတာ ဒီနေရာမျိုးကျတော့ သိပ်ကောင်းတာမှမဟုတ်ဘဲနော။ စိတ်ရှည်လက်ရှည်နဲ့ ဆက်ဖွင့်ကြည့်နေရင် မားသားဘုတ်ဖြစ်ဖြစ်၊ ဟာ့ဒ်ဒစ်ဖြစ်ဖြစ်ကျွမ်းသွားနိုင်တာတော့ ကောင်းကောင်းကြီးသိထားတယ်လေ။

နောက်ဆုံးမတော့ လုပ်နေကျအတိုင်း system unit တစ်ခုလုံးမပြီး ကွန်ပျူတာဆရာဝန်ဆီပြေးရတာပေါ့။ သူအကြံပေးတဲ့အတိုင်း power regulator တစ်လုံးဝယ်ပြီးခံလိုက်မှပဲ အဆင်ပြေသွားတော့တယ်။ တရုတ်ကတစ်သောင်းခြောက်ထောင် ပြည်တွင်းဖြစ်က ခြောက်သောင်းဆိုတာ ထူးထူးဆန်းဆန်းသိရတယ်။ ပြည်တွင်းဖြစ်တွေ ဈေးကွက်မှာနေရာကောင်းရလာတာကြားရတော့ မုဒိတာပွားရပါတယ်။

အခုတော့လည်း ကိုယ်တော်မြတ်ကွန်ပျူတာက သူမဟုတ်သလို ငြိမ်လို့ကုပ်လို့။ အင်း...လွယ်လွယ်လေးနဲ့ ခက်အောင်လုပ်နေမိတဲ့ကိုယ့်ကိုယ်ကိုပဲ ရယ်ချင်တယ်...

No comments:

ကြိုက်ရင်ပေါ့လေ . . .

Powered By Blogger