ဖိုးလမင်း
ဖိုးလသော်တာ ကြယ်အများနဲ့
အရှေ့ဖျားက ထွက်လို့လာ ။
ရွေ့ကာရွေ့ကာ သူလျှောက်သွားတော့
ဝါးရုံပင်နား ရောက်လို့လာ ။
ဝါးရွက်ညိုညို ကြိုအကြားက
မျက်နှာထားကြီး ပြုံးလို့သာ ။
ထမင်းဖြူဖြူ ဆီကိုဆမ်းလို့
ရွှေလင်ပန်းနဲ့ ပေးခဲ့ပါ ။
ပေးပါ ပေးပါ ။ ။
နုယဉ်
ဝိုင်းကြီးပတ်ပတ်
ရွှေလသာသာ ဖော်တွေစပ်လို့
ဝိုင်းကြီးပတ်ပတ် ပျော်စို့ကွယ် ။
မယ်ထွေးတို့အိမ် အရှေ့ဝင်းမှာ
မြေတလင်းကြီး သာလှတယ် ။
တစ်ယောက်လက်ကို တစ်ယောက်တွဲလို့
မောင်လေးလဲပဲ ပါပါ့မယ် ။
ဝိုင်းကြီးဆိုရင် မြန်မြန်လှည့်ပါ
မလွှတ်နဲ့ကွဲ့ မောင်လေးရယ် ။
လှည့်မယ် လှည့်မယ် ။ ။
နုယဉ်
တောက်တဲ့
နေမင်းပူပူ ခေါင်တိုင်ခေါင်းက
မိုးရေတောင်းတဲ့ ကိုဟ၀ှာ ။
ပိန်းလှရွက်လို သူ့အသားက
ပြောက်တောက်ကျားတား ၀ါတာတာ ။
တောက်တဲ့ဆိုတာ သူမို့လားကွဲ့
တို့အိမ်နားလည်း တစ်ကောင်ပါ ။
မိုးလေခေါ်တာ တစ်နေ့လုံးပါ့
မိုးတွေချုန်းလို့ လေတွေလာ ။
မိုးပါ လေပါ ။ ။
မင်းသုဝဏ်
ဆရာဦးဝဏ်၊ ဆရာဂုဏ်ဝင်း၊ ဆရာမကြီးဒေါ်နုယဉ်တို့ဟာ ကလေးကဗျာ အရေးအသားမှာ ထင်ရှားပါတယ်။ အသံချိုချိုလေးတွေနဲ့ ဖတ်လို့၊ ရွတ်လို့ အင်မတန်ကောင်းတာမို့ ချစ်စွာသောကလေးများအတွက် လက်ဆောင်ပါ။
