ဦးဟန်ကြည်နှင့် F 4 . . .

credit to Google

ခေတ်သည် တန့်ရပ်မနေ။ နာရီသံတစ်ချက်ချက်ကြားတွင် တစ်ရက်ပြီးတစ်ရက် ပြောင်းလဲနေသည်။ ကုန်ဆုံးသွားသော နေ့ရက်နာရီတို့ကို ပြန်လည်ရှာဖွေ၍ မတွေ့နိုင်တော့သလို ကုန်လွန်ဖြတ်သန်းခဲ့သည့် လွန်လေပြီးသော ခေတ်ကာလများကိုလည်း ပြန်လည်ရနိုင်ရန် မဖြစ်နိုင်။ မည်သို့ပင်ဆိုစေကာမူ ရိုးသားဖြူစင်မှုများ သစ္စာရှိမှုများ တာဝန်ယူမှု တာဝန်သိမှုများဖြင့် အထိုက်အလျောက် လူနံ့သင်းခဲ့သည့် အတိတ်ခေတ်များကို ဦးဟန်ကြည် လွမ်းမောသည်။ ခေတ်ဟောင်းခေတ်ဆွေးတို့ကို နောက်သို့ချန်ထား၍ ခေတ်သစ်ကိုသာ ရှေးရှုကြခြင်းသည် ဖြစ်သင့်သော သဘာဝမဟုတ်လော။ သို့သော် ကုန်လွန်ဖြတ်သန်းခဲ့ရသော မည်သည့်ခေတ်တွင်မဆို ဆိုးမွေချည်း ချန်ရစ်ခဲ့သည်မဟုတ်။ အကောင်းနှင့်အဆိုး ဒွန်တွဲနေသည့် လောကနိယာမအရ ကောင်းမွေများလည်း ရှိပေဦးမည်။ ဦးဟန်ကြည်ကား ထိုကောင်းမွေများကို မျက်မှောက်ခေတ်အထိ ယူဆောင်လာစေလိုသော Conservative သမားပင် ဖြစ်လေသည်။

အတွင်းစိတ်အခံက ရှေးမွေကို ထိုကဲ့သို့ မြတ်နိုးသည့်ကြားတွင် ၀ါသနာဘာဂီအရ စာပေတို့ကို ဖတ်ရှုလေ့လာဖြစ်သောအခါမျိုး၌ အတိတ်၏ လွမ်းမောဖွယ်တို့က ဦးဟန်ကြည်ကို ကလူ၏သို့ မြှူ၏သို့ ရှိပြန်၏။ မြကေတု၏ နှောင်းခေတ်တက္ကသိုလ်မှတ်တမ်း၊ သိပ္ပံမောင်ဝ၏ အောက်စဖို့တက္ကသိုလ်နေ့စဉ်မှတ်တမ်းတို့ကို ဖတ်ရှုသောအခါတိုင်းတွင် တက္ကသိုလ်ပီသသော ပညာရပ်ဝန်းတွင် ကျင်လည်ခွင့်ရခဲ့သူတို့ကို လေးစားအားကျစိတ်သည် တဖွားဖွား။ တက္ကသိုလ်ခေတ်ပျက်တွင် လူဖြစ်လာရသော ကိုယ့်ကိုယ်ကိုလည်း အားမလိုအားမရ။ ၁၉၈၇ ခုနှစ်တွင် ပထမအကြိမ်ထုတ်ဝေပြီး ၂၀၁၁ စက်တင်ဘာတွင် ဒုတိယအကြိမ် ပြန်လည်ထုတ်ဝေထားသော ဦးချမ်းသာ၏ “ ကျွန်တော်အိုင်စီအက် ” မှတ်တမ်းကို ၀မ်းသာအားရဖြင့် ဖတ်မိသောအခါတွင်ကား ၀မ်းနည်းမှုမှာ သာ၍ပင် ကဲလေတော့သည်။ ရန်ကုန်တက္ကသိုလ်ခေတ်ဦးတွင် ကျောင်းသားဖြစ်ခဲ့သော၊ အောက်စဖို့တက္ကသိုလ်တွင် အိုင်စီအက်စ်အစမ်းခန့်အဖြစ်ကျင်လည်ခဲ့သော ဦးချမ်းသာကြီးကို အားကျစိတ်သည်လည်း ထိန်းမနိုင်သိမ်းမရ။ မည်မျှပင် အားကျစေကာမူ တိုင်းပြည်၏ အနေအထားနှင့် အလားအလာတို့အရ ဦးချမ်းသာလို အခွင့်အရေးမျိုးကို ဦးဟန်ကြည်ရနိုင်ရန် ယခုဘ၀တွင် မလွယ်တော့ပြီ။ အရွယ်တော်ကလည်း တစ်ဆိတ်ဟိုင်းပြီ မဟုတ်ပါလား။ သားကျွေးမှု မယားကျွေးမှုအတွက် ရုန်းကန်နေရသည့် သာမန်လူသားဘ၀တွင် နေသားကျခဲ့ပြီ မဟုတ်ပါလား။ အနောက်နိုင်ငံသား လူဝင့်ကြွားတို့ကြားဝယ် မြန်မာလူမျိုး ဦးဟန်ကြည်လည်း စံမီတန်းဝင်ကြောင်း ပြသနိုင်ခွင့်သည် လေနှင်ရာသို့ မျောပါပျောက်ပျက်သွားသည့် တိမ်မျှင်သဖွယ် ခပ်ရေးရေး။ စံမီပေမီ ပညာရှင်ဖြစ်နိုင်ခွင့်သည် ဆောင်းအိပ်မက်ပမာ။

မည်သို့ပင်ဆိုစေ လတ်တလောအသက်မွေးဝမ်းကျောင်းအရ ပညာရေးနှင့် လက်ပွန်းတတီးရှိနေရခြင်းကို ဦးဟန်ကြည်တစ်ယောက် ရသေ့စိတ်ဖြေကျေနပ်မိသည်။ မိမိမရခဲ့သော အခွင့်အရေးမျိုးကို တပည့်များအား ရစေချင်လှပါ၏။ သို့သော် ပညာရေးအခြေအနေသည် တက်လမ်းမမြင်။ ဦးဟန်ကြည်ထံသို့ရောက်လာကြသော ကျောင်းသားများတွင် စိတ်ဓာတ်ခွန်အား၊ တာဝန်သိစိတ်၊ တာဝန်ကျေပွန်မှု၊ အခြေခံကျွမ်းကျင်မှုတို့က တစ်နှစ်ထက်တစ်နှစ် ပို၍ပို၍ ဆုတ်ယုတ်လာနေသည်။ မည်သည့်အရာကိုမျှ တိတိကျကျ မကျွမ်းကျင်ခြင်းသည် ခေတ်ကျောင်းသားများ၏ ဂုဏ်ပုဒ်ဖြစ်နေလေပြီ။ သို့သော် တစ်ချိန်ချိန်တွင်လာလတ္တံ့သော အဆင့်မီတက္ကသိုလ်၊ အဆင့်မီပညာရေးအတွက် သင်းကလေးတို့ကို အဆင့်မီကျောင်းသားများ ဖြစ်စေရန် ဦးဟန်ကြည် ရည်သန်သည်။ အားသွန်သည်။ ပညာရှင်တို့ ကွန်းခိုရာ၊ ပညာတတ်လူမွန်တို့ မွေးထုတ်ပေးရာ မြကျွန်းသာသို့ သင်းကလေးတို့ ရောက်ကြလေလျှင် ပညာတတ်အသိုင်းအ၀ိုင်းကြား၌ လူရည်မွန်ကလေးများ ဖြစ်လာကြမည်မှာမလွဲ။ ရွှေပင်နားလျှင် ရွှေကျေးဖြစ်ရမည် မဟုတ်ပါလား။ သို့သော် အရိုးစွဲနေသော အကျင့်စရိုက်ဆိုးများ၊ အသည်းနှလုံးတွင် ကျွဲပခုံးထနေသော ဗီဇဆိုးများကို စာသင်နှစ် တစ်နှစ်မျှဖြင့် နတ်ရေကန်တွင်း ပစ်ချလိုက်သလို ဥုံဖွမန်းလိုက်သလို ပြုပြင်ပေးနိုင်ရန် မလွယ်ကူ။ သို့သော် ခေါင်းမာလှသော ဦးဟန်ကြည်ကား အလွယ်တကူနှင့် ဇွဲလျှော့တတ်သူမဟုတ်။ ချော့တစ်ခါ၊ ခြောက်တစ်လှည့်ဖြင့် သင်းကလေးတို့ကို ပြုပြင်သည်၊ လမ်းကြောင်းတည့်စေရန် အားထုတ်သည်။ တည့်သည်လည်းရှိသလို ချော်သည်လည်း ရှိ၏။ တည့်သွားသောအခါ ပျော်ရသည်။ ချော်သွားသောအခါတွင် ကိုယ့်အားနည်းချက်ကို ပြန်ပြင်ရန် နည်းလမ်းပေးသလိုရှိသောကြောင့် ၀မ်းသာရပြန်၏။ အမှိုက်ပုံတွင်းမှ ရွှေရှာသူ မိုက်ထုတ်သမား ဦးဟန်ကြည်ပင် မဟုတ်ပါလား။ လူဆိုးကလေးများ၊ လူပျင်းကလေးများ ဆယ်တန်းကို ချောချောမောမောအောင်မြင်၍ တက္ကသီလာမြကျွန်းညိုသို့ ကွန်းခိုခွင့်ရကြလျှင် ဦးဟန်ကြည် တစ်ကိုယ်တော်ဝမ်းမြောက်လေတော့သည်။ “ မင်းရင်ထဲမှာ မင်းဆင်နွှဲတာ မင်းပဲသိတဲ့ မင်းရဲ့အောင်ပွဲပါ . . . ” ဟူသည့် အဆိုတော် ကိုင်ဇာ၏ သီချင်းစာသားက ဦးဟန်ကြည်၏ တစ်ကိုယ်ရည်အောင်မြင်မှုများကို အားပေးအားမြှောက်ပြုသည့် ဘက်တော်သားဖြစ်နေခဲ့သည်မှာ နှစ်ပေါင်းများစွာ ရှိခဲ့လေပြီ။

သို့သော် ဦးဟန်ကြည်၏ ပီတိသည် မှိုလောက်မျှပင် အသက်မရှည်ရှာ။ အမိတက္ကသိုလ်ရင်ခွင်သို့ တပည့်ကျော်များခိုလှုံ၍ တစ်လမပြည့်သေးခင် သင်းကလေးတို့၏ မိဘများ မျက်ကလူးဆန်ပြာဖြင့် ဦးဟန်ကြည်ထံလာ၍ အကြံဥာဏ်တောင်းကြလေပြီ။ ဆရာ့တပည့် ဘယ်သူက ဆိုင်ကယ်ပေါင်ပြီး ဖဲရိုက်ပစ်လို့။ ဘယ်ဝါက ကျောင်းမတက်ဘဲ အရက်ချည်းသောက်နေလို့။ ဘယ်ဒင်းက ရည်းစားနဲ့ချိန်းပြီး တည်းခိုခန်းမှာ သွားသွားအိပ်လို့။ ဘယ်သတ္တ၀ါက မူးယစ်ဆေးစွဲနေလို့…စသည် စသည်ဖြင့် ကောင်းသတင်းတစ်ကွက်မျှမပါ။ မိဘအသီးသီး၏ အားကိုးတကြီး တိုင်သံတောသံများကြားတွင် ဆရာဦးဟန်ကြည်ခမျာ နေမထိထိုင်မသာ။ ခွေးမြီးကောက်ကလေးများကိုလည်း အပြစ်မဆိုချင်တော့။ ခွေးမြီးကောက်ကို ဖြောင့်ရန်လည်း မဖြစ်နိုင်။ အကောက်အတိုင်း ပစ်ထားပြန်လျှင်လည်း သဘာဝမကျ။ ဦးဟန်ကြည် စွပ်ပေးထားသော ကျည်တောက်ကို ဖြုတ်ပစ်သူများကိုသာ ဆဲလိုတော့သည်။ ခွေးမြီးကောက်ကလေးများကို ကျည်တောက်စွပ်ရသည်မှာ ထင်သလောက်မလွယ်။ အကိုက်အခဲခံနိုင်မှ အငြူစူခံနိုင်မှ ဖြစ်ပေလိမ့်မည်။ တစ်နှစ်တာပတ်လုံး “ သုတ်၊ ၀ိနည်း၊ ပိဋကတ်နှင့် လျှာပြတ်အောင် ဟောတော်မူ ”၍ တပင်တပန်း လူယောင်ဖန်ဆင်းပေးထားရသော ဦးဟန်ကြည်၏ အလုပ်အားလုံး သဲထဲရေသွန်ဖြစ်ရခြင်းသည် ကျေနပ်ဖွယ်ကောင်းသော ရလာဒ်မဟုတ်။ တပည့်များ လူဆိုးကလေးများကို တက္ကသိုလ်ပညာသင်ယူရန် ဦးဟန်ကြည် တိုက်တွန်းပြီး အရောက်ပို့ပေးခြင်းသည် ကျည်တောက်ကို ဖြုတ်ခိုင်းရန်မဟုတ်။ ထိုကျည်တောက်ကို ပိုမိုခိုင်ခံ့မြဲမြံစေရန်၊ ပိုမိုကောင်းမွန်သော စာရိတ္တကျည်တောက် ပညာကျည်တောက်များဖြင့် တစ်သက်တာ ကျင့်သားရစေရန် အားကိုးတကြီးဖြင့် တက္ကသီလာသို့ ပို့ခြင်းမဟုတ်ပါလော။ ဦးဟန်ကြည်မှအစထား၍ လူတိုင်းလူတိုင်းတွင် ခွေးမြီးကောက်နှင့်တူသော ဗီဇဆိုး စရိုက်ဆိုးများ ရှိကြသည်သာ။ ထိုစရိုက်ခွေးမြီးများကို ပညာကျည်တောက် စာရိတ္တကျည်တောက်များဖြင့် ထိန်းသိမ်းထားကြရသည် မဟုတ်လော။ တက္ကသီလာမြကျွန်းသာသည် ကျည်တောက်စွပ်ပေးရာ၊ ကျည်တောက်ကျင့်ပေးရာ ဘူမိနက်သန် နေရာမှန် မဟုတ်တော့ပြီထင်၏။ ၀မ်းနည်းစရာကောင်းလှသည်။

လူရှော်ကလေးများကို ထိန်းကျောင်းပဲ့ပြင်ပြီး ဆယ်တန်းအောင်စေရန် သင်ကြားပေးခဲ့စဉ်က ကျောင်းသားမိဘများအိမ်သို့ အ၀င်လှခဲ့ပြီး တပည့်များ၏ အောင်မြင်မှုပီတိကို မြိန်မြိန်ကြီးခံစားခဲ့ရလေသမျှ သင်းကလေးတို့ တက္ကသိုလ်ရောက်လျှင် သင်းကလေးတို့၏ မိဘများနှင့် ဦးဟန်ကြည် မတွေ့လိုတော့ပြီ။ သင်းကလေးတို့ အိမ်များသို့ အလည်မသွားလိုတော့ပြီ။ တပင်တပန်း ရေလောင်းပေါင်းသင်ထားရသော ပန်းကလေးများ ငုံကာစအရွယ်တွင် ပိုးကိုက်ပျက်စီးခြင်းကို မည်သည့်ဥယျာဉ်မှူး ခံစားနိုင်ပါမည်နည်း။ သို့သော် သင့်ရာအပ်ပို့ရမည်က ဆရာတို့တာဝန်မဟုတ်လော။ ထို့ကြောင့် မိဘများကို သားသမီးသွန်သင်လမ်းညွှန်နည်း အကြံပြုရသည်ကတစ်မျိုး၊ တက္ကသိုလ်ရောက် မောင်ကျောင်းသားများ မြို့ပြန်ရောက်လာကြလျှင် ခေါ်ယူဆုံးမသည်ကတစ်ဖုံဖြင့် ဆေးမြီးတိုပေါင်းစုံသုံးရပြန်သည်။ ပြုတ်သွားသော ကျည်တောက်ကို ပြန်စွပ်နိုင်ရန်ကား မလွယ်တော့။ ဦးဟန်ကြည် မျက်စိရှေ့တွင်ပင် တက္ကသိုလ်ကျောင်းသား တပည့်များ ဟောတစ်ယောက် ဟောတစ်ယောက် စာမေးပွဲတဖုံးဖုံးကျ၊ ဆေးသမားဖြစ်၊ အရက်သမားဖြစ်၍ ဘ၀ပျက် ကျောင်းထွက်ကုန်ကြသည်မှာ ရင်ထုမနာ။ ပညာဖြင့် လောကကို အလှဆင်လိုသည့် ဦးဟန်ကြည်၏ ဆုတောင်းပြည့်စေရန် လမ်းကြောင်းဖြောင့်ဖြောင့်သွားသည့် တက္ကသိုလ်ကျောင်းသားမှာ တစ်နှစ်နေ၍ သုံးလေးယောက်ပင် မပြည့်တတ်တော့။ ကျောင်းသားအများစုမှာ တက္ကသိုလ်ရောက်သည်နှင့် အဆင်းကို ဘီးတပ်ပြီး ဖြစ်သွားလေပြီ။

credit to Google

တက္ကသိုလ်တက်၍ အပျက်ကြီးပျက်လာကြသော ကျောင်းတော်သားဟောင်းများကို မျက်ဝါးထင်ထင် မြင်ကြရလျှင် နှစ်သစ်ဆယ်တန်းအောင် ကျောင်းသားတို့၏ မိဘများသည် ဦးဟန်ကြည်ဟောနေကျ တက္ကသိုလ်ကျေးဇူးတရားတို့ကို သံသယဖြစ်လာကြလေပြီ။ သူရို့သားသမီးများကို တက္ကသိုလ်ပို့လိုက်လျှင် ပျက်စီးမည်ဟုသာ တစ်ထစ်ချ တွေးကြကုန်၏။ ရင်နာဖွယ်ပင်။ မည်သို့ပင်ဆိုစေ တစ်ကြောင်းစွဲ ဦးဟန်ကြည်ကား သူ၏ချစ်တပည့်များ တက္ကသီလာရင်ငွေ့ခိုလှုံခွင့် ရစိမ့်သောငှာ “ တက္ကသိုလ်ပို့တာ ပျက်စီးတယ်ဆိုရင် ဒီနေ့ကမ္ဘာပေါ်က နိုင်ငံတိုင်းမှာ တက္ကသိုလ်တွေ ဘယ်မှာထားကြတော့မလဲ…ပျက်တယ်ဆိုတာကတော့ အိမ်မှာထားလည်း ပျက်ချင်တဲ့ကလေး ပျက်မှာပဲ…တက္ကသိုလ်မှာ ပျက်တယ်ဆိုတာက ပညာတတ်ပျက်ပျက်ကြတာဆိုတော့ ပျက်တာချင်းတူဦးတောင် အဖတ်ဆယ်လို့ ရသေးတယ်… ” ဟူသည့် ရွှေပြည်အေးတရားဖြင့် ကျောင်းသားမိဘများကို သွေးဆောင်မြဲပင်။ စာမတတ်ပေမတတ် ကျောင်းသားမိဘများကား ဆရာဦးဟန်ကြည်၏ စကားကို မြေ၀ယ်မကျ နားထောင်ကြစမြဲ။ ဦးဟန်ကြည်ကလည်း တက္ကသိုလ်တက်လတ္တံ့သော ကျောင်းသားများကို ကျောင်းသားကျင့်ဝတ်များ တိုးတက်အောင်ကြိုးစားနေထိုင်နည်းများကို ထုံးစံမပျက် သွန်သင်မြဲ။ ကျောင်းသားများကလည်း တက္ကသိုလ်တက်၍ နှစ်လမပြည့်ချင် ပျက်စမြဲ။ ထိုဖြစ်စဉ်ကြီး ခေါက်ရိုးကျိုးလာလေလျှင် တက္ကသီလာကို မြတ်နိုးနှစ်လိုသော မြကျွန်းသာဘက်တော်သားကြီး ဦးဟန်ကြည်တစ်ယောက် ချစ်သောတက္ကသီလာကို သံသယ၀င်လာရလေပြီ။ ငါးတန်းကျောင်းသူတစ်ယောက်က အခြားတစ်ယောက်ကို “ ငါတို့ဆယ်တန်းအောင်အောင် ဖြေရအောင်…ဒါမှ တက္ကသိုလ်ရောက်ရင် ကဲလို့ရမှာ ” ဟု တိုက်တွန်းနေသံကို လွန်ခဲ့သော သီတင်းပတ်က ကြားရလျှင် တက္ကသီလာသံသယဖြင့် လေးလံနေသော ဦးဟန်ကြည်၏ရင်ဝကို ဆယ်ပေါင်တူနှင့်ထုသလို နာလေတော့သည်။ တက္ကသီလာသည် ကဲစရာ ဖြဲစရာ ရွဲစရာ နေရာဖြစ်နေပြီလော။ တက္ကသိုလ်သည် လင်ရွေးပွဲ၊ မယားရွေးပွဲခံရာ ဒေသကြီးလော။ ဖဲ အရက် မူးယစ်ဆေး ရောင်းဝယ်ဖောက်ကားရာ ကုန်စည်ဒိုင်ကြီးလော။ “ ခုံနံပါတ်ထိုး သုံးဆယ့်ကိုး…ကျန်တာကူးချ ဂုဏ်ထူးရ ” ဟု တွင်တွင်ကြီး ကြွေးကြော်နေကြသော တက္ကသိုလ်ကျောင်းတော်သူ ကျောင်းတော်သားများကို ဦးဟန်ကြည် ဒေါလည်းပွ သနားလည်းသနားပါ၏။ B.A ဆိုက်ကား၊ B.Sc ကွမ်းယာဟူသော ဂုဏ်ပုဒ်များ မျက်စိရှေ့တွင် မြင်မကောင်းရှုမလှဖြစ်နေရခြင်းမှာ ကြေကွဲဖွယ်အတိ။

တက္ကသိုလ်ပညာသင်ယူပြီးမြောက်ခဲ့သော ကျောင်းသားများ အလုပ်လက်မဲ့ဖြစ်နေရခြင်းကို ဦးဟန်ကြည် ၀မ်းမနည်း။ တိုင်းပြည်၏ ဆင်းရဲနုံချာသော အဖြစ်ကို ဦးဟန်ကြည် နားလည်သည်။ သို့သော် တက္ကသီလာတွင် လေးနှစ်တာ ပညာသင်ယူခဲ့ပါလျှက် စိတ်ဓာတ် အသိဥာဏ် စာရိတ္တတို့ ထူးခြားကောင်းမွန်မလာသည့်အပြင် ယိုယွင်းပျက်စီးသွားရခြင်းကိုသာ ကြေကွဲ၏။ တက္ကသိုလ်တွင် မည်သည့်စာများကို မည်ကဲ့သို့ သင်ကြားပေးနေပါသနည်း။ အင်္ဂလိပ်စာ အထူးပြုဖြင့် ဘွဲ့ရလာခဲ့သော တပည့်မတစ်ယောက် အင်္ဂလိပ်စာကို အမြီးအမောက်တည့်အောင် မရေးနိုင်သောအခါ ဆရာဖြစ်သူ ဦးဟန်ကြည်က ဒေါသတကြီးဖြင့် မြည်တွန်တောက်တီးဖူးသည်။ ထိုတပည့်ကျော်က “ ဆရာကလည်း တက္ကသိုလ်ဆရာတွေက ဆရာလိုမှ မသင်ဘဲ သမီးတို့ ဘယ်တတ်မှာလဲ ” ဟု ဆင်ခြေပေးလေသည်။ ဦးဟန်ကြည် လက်မခံနိုင်။ အဆင့်မြင့်ပညာမှ ဆရာများသည် အခြေခံပညာ ကျောင်းဆရာ ဦးဟန်ကြည်ထက် ပို၍ပင် ကျွမ်းကျင်ကြလိမ့်မည်ဟု တစ်ထစ်ချယုံကြည်လျှက်ပင်။ ထိုထိုသော တက္ကသီလာ ဆရာတို့၏ အမည်နောက်မှ M.A, M.Sc, Phd ဟူသည့် ကြွက်မြီးတန်းကြီးများကို ဦးဟန်ကြည် လေးစားသည် မဟုတ်ပါလား။ GTC နှစ်နှစ်တက်ခဲ့ပြီး B.tech မ၀င်သဖြင့် တန်းလန်းကောင်ဘ၀နှင့် ကျောင်းထွက်လာရသော တပည့်ကျော်တစ်ယောက်က “ ဘာတွေသင်မှန်း မသိပါဘူးဆရာရယ် ” ဟု မြည်ကြွေးပြန်လေသည်။ “ မင်းသေချာ နားမထောင်လို့ ဖြစ်မှာပေါ့ ” ဟု ဦးဟန်ကြည်က ထိုကျောင်းသားကို အပြစ်တင်၏။ သို့သော် ထိုကဲ့သို့သော တိုင်သံတောသံ ဆင်ခြေကန်သံများ ကြားရဖန်များလျှင် ရှိရင်းစွဲသံသယစိတ်ကား ပို၍ခိုင်မြဲလာလေပြီ။ ထို့ကြောင့် တက္ကသိုလ် ပထမနှစ်ပြီး၍ ပြည်တော်ပြန်ဝင်လာကြသော ကျောင်းသားကျောင်းသူများ ဆရာရင်း ဦးဟန်ကြည်ထံလာ၍ နှုတ်ဆက်ကြလျှင် သင်းကလေးတို့ကို ဦးဟန်ကြည် အကဲခတ်သည်။ မည်သည့် ပညာအလင်းမျိုးကိုမှ သင်းကလေးတို့ထံတွင် မတွေ့ရ။ တိုးတက်သည့် မည်သည့်အတွေးအခေါ်မျိုးမှ သင်းကလေးတို့ ခေါင်းအတွင်းတွင် ပါမလာ။ သေချာသည်က သင်းကလေးတို့ ခေါင်းများ သံချေးကိုက်လာသလို စိတ်ဓာတ်များလည်း အချောင်ခို အလေလိုက်ခြင်းတို့ဖြင့် ကြေး(ဂျီး)တက်၍ နေကြလေပြီ။

ငါ့တပည့်တို့ တက္ကသိုလ်မှာ စာကြည့်တိုက်ရှိသလားဟု ဦးဟန်ကြည်မေးမိလျှင် သင်းကလေးတို့ တစ်ယောက်မျက်နှာ တစ်ယောက်ကြည့်ကြလေတော့သည်။ ထိုမျှဆိုလျှင် ဦးဟန်ကြည် သဘောပေါက်ပေပြီ။ ရွှေမန်းမြို့တွင် မန်းတက္ကသိုလ်အနီး၌ နှစ်ပေါင်းများစွာ နေထိုင်လာခဲ့သော ဦးဟန်ကြည်ပင် မဟုတ်ပါလား။ အဝေးသင်သွားမည့် ကျောင်းသားတစ်ယောက် လွန်ခဲ့သော သုံးရက်က ဦးဟန်ကြည်ထံလာ၍ နှုတ်ဆက်သည်။ assignment တွေ ဘယ်လိုဖြေသလဲဟု ဦးဟန်ကြည် စပ်စုမိပါ၏။ သူများကို အဖြေခိုင်းလိုက်တယ်ဆရာဟု ၀မ်းသာအားရ ဖြေလေသည်။ ကောင်းပါလေ့။ အဝေးသင်ပထမနှစ်အတွက် ဘယ်လောက်ကုန်သလဲဟု ဦးဟန်ကြည် အမေးဆက်လျှင် နှစ်သိန်းခွဲလောက်တော့ ကုန်မယ်ဆရာဟု ဖြေပြန်လေသည်။ များလှချေလားဟု ဦးဟန်ကြည် တအံ့တသြစကားအစ်လျှင် အဆောင်လခက နှစ်သောင်း၊ ထမင်းလခက ငါးသောင်း ကျူရှင်လခက ကိုးသောင်းလေဆရာရဲ့ဟု ဖြေလေတော့သည်။ နိုင်ငံတော်အစိုးရက တက္ကသိုလ်ကျောင်းလခများကို ဈေးမြှင့်လိုက်စဉ်က မိဘများ ပူညံပူညံလုပ်ခဲ့ကြသည်။ မည်မျှပင်ဈေးမြှင့်စေကာမူ ထိုကျောင်းလခသည် ကလေးမုန့်ဖိုးသာသာပင် ရှိသည်မဟုတ်ပါလား။ နိုင်ငံတော်ထက် ပို၍လောဘဇောကပ်လေသော အဆင့်မြင့်ပညာမှ ဆရာတို့လက်တွင်း ပူဇော်ရသော ထိုငွေပမာဏကိုမူ မည်သူမှ စောဒက မတက်ကြ။ စာမေးပွဲအပြီးတွင် ပူဇော်ပသရသော မသထာရေစာများကို မည်သူမျှ မမြင်။ ရွှေပြည်သားများ သဒ္ဓါတရား ထက်သန်လှချည့်။ မည်သည့်အရာမှ အလကားမတ်တင်းမရနိုင်သော လောက၏ နိယာမကို ဦးဟန်ကြည် နားလည်သည်။ ကျူရှင်လခ ကိုးသောင်းမကဘဲ သိန်းတစ်ရာဖြစ်လျှင်လည်း ဦးဟန်ကြည် စေဒက မတက်လို။ ငွေယူထားသော်လည်း တာဝန်ကျေအောင် မကြိုးစားသော ထိုဆရာများကိုသာ မေတ္တာတွင်တွင် ပို့လိုတော့သည်။ ဆရာဖြစ်သူများက တာဝန်ယူမှုနှင့် သစ္စာရှိမှုတို့ကို နမူနာကောင်းမပြလျှင် ကျောင်းသားများ မည်သို့ထွန်းပေါက်ပါတော့မည်နည်း။ နိုင်ငံ့သားကောင်းများ မည်သို့ဖြစ်ပါတော့မည်နည်း။

ပညာရေးကောလိပ်တွင် နှစ်ဝက်သင်တန်းပြီးဆုံး၍ မြို့ပြန်ကာ တန်းပြဆင်းနေသော တပည့်မတစ်ယောက်က “ သမီးတို့ တက္ကသိုလ်က တစ်ချို့ဆရာမတွေ ဒေါသအတော်ကြီးတယ်ဆရာ…ဘာမှမမေးရဲဘူး…သူသင်တာလည်း ဘာမှနားမလည်ဘူး…” ဟု ဆရာရင်းဦးဟန်ကြည်ကို အားကိုးတကြီးတိုင်လေသည်။ သူတန်းပြဆင်းသောမူလတန်းကျောင်းမှ ဆရာမတစ်ယောက် နားနေခန်းအတွင်းတွင် ရည်းစားနှင့်ပလူးနေခြင်းကိုလည်း မကျေမနပ်ဖြင့် ရင်ဖွင့်လေသည်။ ဦးဟန်ကြည်ကား ရင်နာရုံမှလွဲ၍ ဘာမျှ မတတ်နိုင်။ သမီးတို့ကျောင်းမှာ တန်းပြလာဆင်းတဲ့ ဆရာမလေးတွေ အတော်ကြမ်းတယ်ဆရာ…တစ်ချိန်လုံး အော်ငေါက်နေတာပဲဟု ရင်ဖွင့်လေသော နှစ်တက်တပည့်များ၏ စကားသံကိုသာလျှင် ပြန်လည်ကြားယောင်မိလေသည်။ ဆရာမလောင်းများကို သင်ကြားပေးနေသော ဆရာများသည်ပင် ဆရာမပီသလျှင် ကျန်ဆရာများ မည်သို့ရှိလေမည်နည်း။ ထိုဆရာမလောင်းများ ဆရာအဖြစ်သို့ရောက်ကြလျှင် သူရို့ကောလိပ်မှ ဆရာမများ၏ အတုကိုယူ၍ ကြမ်းကြ ရမ်းကြဦးမည်မှာ မြေကြီးလက်ခတ်မလွဲ။ မျက်နှာတွင် မိတ်ကပ်အဖွေးသား ခွာမြင့်ဖိနပ်တစ်တောင်လောက်နှင့် နားနေခန်းတွင် ရည်းစားနှင့် ပလူးသောဆရာများကိုသာလျှင် မွေးထုတ်နိုင်ပေလိမ့်မည်။ တက္ကသီလာမှ ပြဌာန်းချက်များကို လက်လှမ်းမီသလောက် ဦးဟန်ကြည်ဖတ်ကြည့်သည်။ အားလုံးအဆင့်မီပါ၏။ ထိုစာများကို ကျကျနန လေ့လာ၍ နိုင်ငံရပ်ခြားတွင် ပညာဆက်လက်သင်ယူကြသော မိတ်ဆွေများကိုလည်း စုံစမ်းကြည့်သည်။ နိုင်ငံခြားတက္ကသိုလ်များတွင်လည်း အထစ်အငေါ့မရှိ စာလိုက်နိုင်ကြပါ၏။ သို့သော် ထိုထိုသော ကျောင်းသားများကား လူလွန်မသားများပင်။ ကိုယ့်ကိုယ်ကို ကောင်းစွာ ထိန်းချုပ်နိုင်ကြသော ဇာနည်ဘွားများပင်။ ကျန်ကျောင်းသားအများစုမှာ ဘွဲ့ရ၍ အလုပ်ဝင်လျှင် ဘွဲ့ရလူရမ်းကားများချည်း ဖြစ်ကုန်ကြသည် မဟုတ်ပါလော။

ဦးဟန်ကြည် မည်မျှပင် ကြိတ်မနိုင်ခဲမရ ဒေါပွနေသော်လည်း မည်သို့မျှ မတတ်နိုင်။ အရေးလည်းမပါ အရာလည်း မရောက်သော သာမန်ဆရာတစ်ယောက်၏ ဘ၀သည် ဒေါသကို အဖော်လုပ်ရင်း အသက်တိုရသည်သာလျှင် အဖတ်တင်ပါ၏။ တိုင်းပြည်ကို ချစ်မြတ်နိုးကြသော ကျန်မိတ်ဆွေများလည်း ထိုနည်းနှင်နှင်ပင် ခံစားကြရမည်မှာ သေချာလှသည်။ စိတ်ပျက်ဖွယ်ပင်။ တက္ကသိုလ်ကြီးများကို အဆောက်အဦများ ပရိဝုဏ်များ မည်မျှအဆင့်မီအောင် မွမ်းမံသည်ဖြစ်စေ၊ ပြဌာန်းချက်များကို မည်မျှကောင်းမွန်အောင် ပြုပြင်သည်ဖြစ်စေ တက္ကသီလာဆရာတို့၏ စိတ်ဓာတ်နှင့် တာဝန်ယူမှုအပိုင်းကို တိုးတက်အောင် မမြှင့်တင်နိုင်လျှင် တိုင်းပြည့်ဘဏ္ဍာများ အဟောသိကံဖြစ်ရုံကလွဲ၍ ဒုံရင်းအစ်စ် ဒုံရင်း ဖြစ်နေဦးမည်မှာ မြေကြီးလက်ခတ်မလွဲ။ သို့သော် ရွှေပြည်ကြီးကား မျက်စိကျဉ်း၍ ဖင်ခေါင်းကျယ်သော စရိုက်ဆိုးကြီးဖြင့် ခေါက်ရိုးကျိုးနေလေပြီ။ အပေါ်ယံရွှေမှုန်ကြဲရသည်ကိုပင် အဟုတ်ကြီးထင်နေကြလေပြီ။ ကောင်းပါလေ့။

တစ်မနက်ခင်းတွင် ဆယ်တန်းကျောင်းသားများက ဦးဟန်ကြည်ကို မေးခွန်းထုတ်လေသည်။ သင်းကလေးတို့၏ မေးခွန်းမှာ ဆရာ…သားတို့တက္ကသိုလ်ရောက်ရင် ဘာဖြစ်မလဲဆရာ…ဟူ၏။ မြင်မြင်သမျှ ဘ၀င်မကျသော ဦးဟန်ကြည်က “ တက္ကသိုလ်ရောက်သွားရင် F4 ဖြစ်တာပေါ့ကွာ . . . ” ဟု ဘုနှိပ်လိုက်လေသည်။ F4 ဆိုတော့ ကိုရီးယားမင်းသားဖြစ်တာလားဟု အလိုက်မသိသော မောင်ကျောင်းသားတစ်ယောက်က အထွန့်တက်လေလျှင်..

“ တက္ကသိုလ်ရောက်ရင်

ဖဲရိုက်

ဖိုးရှူ

ဖာလိုက်

ဖွန်ကြောင်

ဆိုတဲ့ ဖဦးထုပ်လေးလုံး F လေးလုံးနဲ့ ပြည့်စုံသွားလို့ F4 ဖြစ်သွားတာဟေ့ ” ဟူ၍ ခပ်ပြင်းပြင်း ပြောချလိုက်မိပါလေသတည်း။    ။

( တိုင်းပြည်၏ အနာဂတ်အညွန့်အဖူးများဖြစ်ကြသော လူငယ်မောင်ကျောင်းသားများ တက္ကသိုလ် F4 ဘ၀မှ အမြန်ဆုံး ကင်းလွတ်နိုင်ကြပါစေ။ တိုင်းပြည်ကို ပညာဖြင့် အလုပ်အကြွေးပြုနိုင်သော ပြုလိုသော တာဝန်ကျေပွန်သည့် လူရည်မွန်များ ဖြစ်ကြပါစေဟု ဆုမွန်ခြွေလိုက်ပါကြောင်း )

ဦးဟန်ကြည်နှင့် ဂျီးတော် . . .

နည်းပညာမတောက်တခေါက်ကို အရင်းပြုပြီး အလကားမတ်တင်းရသော Blogsopt ကို လက်စွဲသုံးကာ အွန်လိုင်းပေါ်တက်၍ စာတိုပေစများ ရေးလေချွတ်လေသော ဖိုးရေးချင် ဦးဟန်ကြည်၏ အထက်ပါခေါင်းစဉ်ကို အမှတ်မထင်ကြည့်လိုက်မိလျှင် ရောင်းမစွံ၊ ပုပ်သိုးလေသော သူ၏အညာသူဂျီးတော် ( ကြီးတော် ) ကို အစွံထုတ်ရန် ကြံစည်ခြင်းဖြစ်မည်ဟု အမှတ်မှားစရာ အကြောင်းရှိလေသည်။ မမှန်ရေးချ မမှန်ပါလေ။ အညာသူဂျီးတော်ကား မြင်သာမြင်ရ မကြင်လိုက်ရရှာသော သူမ၏ ငယ်ရည်းစားရဲဘော် ရှေ့တန်းတွင် တိုက်ပွဲကျပြီးကတည်းက တစ်သက်တွင် အိမ်ထောင်မပြုတော့ဟု သံန္နိဋ္ဌာန်ချထားလေတော့ရာ ဦးဟန်ကြည် ချွတ်သော်လည်း ကျွတ်တန်းဝင်ရန် လမ်းမမြင်လေ။ ဦးဟန်ကြည်၏ ဂျီးတော်ကား ဖြူဖြူသန့်သန့်ဖြင့် မေသန်းနုရုပ်မျိုးပေါက်လေရာ သူ့ခေတ်သူ့အခါက ကာလသားများမှာ ထိုသံန္နိဋ္ဌာန်ကြောင့် ခဲလေသမျှ ပဲရေပွကြရှာမည်ထင်၏။ ယခုမူ ဂျီးတော်မှာ အသက်ငါးဆယ်ကျော်တွင်းသို့ ချဉ်းနင်းဝင်ရောက်လေပြီ။ သမဆိုင်မှ အရောင်းထိုင်းပစ္စည်းကဲ့သို့ ဆပ်ပြာနှင့်တွဲထုတ်သော်လည်း ရောင်းစွံမည်မဟုတ်တော့။

 

credit to Google

ဦးဟန်ကြည် ညွှန်းလိုသော ဂျီးတော်မှာ Google Inc မှ အတိုင်းတိုင်းအပြည်ပြည်ရှိ ကျောမွဲများ မေးလ်လိပ်စာတစ်ခု အလကားမတ်တင်းရစိမ့်သောငှာ စီရင်ပေးသနားတော်မူသည့် Google talk ( Gtalk ) ကို ရည်ညွှန်းခြင်း ဖြစ်လေသည်။ ထိုမည်သော ဂျီးတော်မှာ ရွှေပြည်သားများကြားတွင် လွန်စွာမှ ပဏာစားလေရာ များမကြာမီပင် နည်းပညာမတောက်တခေါက်တတ်လေသော ရွှေပြည်သား အတော်များများမှာ ဂျီးတော်ကောင်းမှုဖြင့် မေးလ်လိပ်စာတစ်ခုစီ ပိုင်ကြလေ၏။ ဂျီးတော်ကောင်းမှုဖြင့် အွန်လိုင်းတွင် ကြူကြ၊ ကြောင်ကြရင်း အိမ်ထောင်ကျသူတွေလည်းမရှား။ ဘ၀ပျက်သူတွေလည်း ဒုနှင့်ဒေးပင်။ နည်းပညာ မူလတန်းကျောင်းသား ဦးဟန်ကြည်တစ်ယောက် ဂျီးတော်နှင့်နဖူးတွေ့ဒူးတွေ့ တွေ့ချိန်တွင် အိမ်ထောင်သက် ခြောက်နှစ်သားရှိနေလေပြီ။ ထို့ကြောင့် ဂျီးတော်ရန်ကို ကြောက်ရန်သိပ်မလို။ ထိုမျှပင်မကသေး။ လက်ပေါက်ကပ်လှသော ဦးဟန်ကြည်က ဂျီးတော်ကို ရှိသည်ဟုပင် မထင်။ အလကားမတ်တင်းရသော Blogsopt ကို သုံးနိုင်ရန်အတွက်သာ ဂျီမေးလ်ကိုဖွင့်လေသည်။ ဂျီမေးလ်နှင့်အတူပါလေသော ဂျီးတော်ကို လူရာမသွင်း။ ဂျီးတော်ထံတွင် စတင်စာရင်းတင်ခဲ့စဉ်က ဦးဟန်ကြည်၏ မိတ်ဆွေစာရင်းမှာ လက်ဆယ်ချောင်းပင် မပြည့်။ ထိုဂျီးတော်သည် ဦးဟန်ကြည်၏ ကွန်ပျူတာ Window တက်သည့်အချိန်တိုင်းတွင် အော်တိုငုတ်တုပ် အလုပ်လုပ်လေတော့ရာ ဦးဟန်ကြည်၏ ကွန်ပျူတာ အွန်လိုင်းပေါ်တက်သည်နှင့်တပြိုင်နက် ဂျီးတော်လည်း အွန်လိုင်းပေါ်ရောက်လေတော့သည်။ ဂျီးတော်ကို အော်တိုမတက်စေရန် ပိတ်ပင်နိုင်သော်လည်း ကလိရမည်ကို ပျင်းလှသော ဦးဟန်ကြည်ကား အသာပင်လွှတ်ထားသည်။ သူ့ဘာသာ အားအားလျားလျား အွန်လိုင်းပေါ် တက်ချင်လည်း တက်ပေရော့။ log in လုပ်ရခြင်းပင် သက်သာသေးသည် မဟုတ်ပါလော။

ထိုမျှပေယျာလကန်နေသော ဦးဟန်ကြည်ကို ဂျီးတော်ထံမှ ဆက်သွယ်လိုသူများကလည်း ရှိချေသေးသည်။ ထိုထိုသော ပုဂ္ဂိုလ်များကို ဧတဒဂ်ပေးရမည်ထင်၏။ မည်သို့ပင်ဆိုစေ ဦးဟန်ကြည်နှင့် ဂျီးတော်ကား တစောင်းစေးနှင့် မျက်ချေးပမာ အစေးသိပ်မကပ်။ ဦးဟန်ကြည်ထက်ပို၍ ကပ်စေးကျလေသော ညီမတော်သည်ကား ဂျီးတော်ကို အလွန်သဘောကျလေသည်။ တစ်မိနစ်လျှင် ကျပ်ငွေငါးဆယ် ပေးရသော မြန်မာပြည်ဂျီအက်စ်အမ်ကို မသုံး။ တစ်မိနစ်လျှင် နှစ်ကျပ်သာကျသင့်သော မြန်မာပြည်အင်တာနက် လှိုင်းကိုစီး၍ ဂျီးတော်မှတဆင့် ဆက်သွယ်သည်က များလေသည်။ အစ်ကိုဖြစ်သူကို ဆဲစာများပို့လိုလျှင်လည်း ဂျီးတော်မှတဆင့်ပို့သည်။ တောင်းလိုသော ပစ္စည်းစာရင်းကိုလည်း ဂျီးတော်မှတဆင့် ပို့ပြန်သည်။ မဒမ်ဟန်ကြည် ခရီးသွားပြန်လျှင်လည်း လိုသမျှကို ဂျီးတော်ထံမှတဆင့် အပူကပ်ပြန်လေ၏။ ဖုန်းဖြင့်ပြောလျှင် အတောင်းခက်လှသည် မဟုတ်လော။ ဂျီးတော်ကလည်း ဂျီးတော်ပင်။ ဦးဟန်ကြည် အွန်လိုင်းပေါ်မရှိချိန်တွင် ပို့ထားသော စာများကိုလည်း အားအားလျားလျား မှတ်ထားပြန်လေသည်။ အွန်လိုင်းပေါ်သို့ ဦးဟန်ကြည် ရောက်သည်နှင့်တပြိုင်နက် ထိုစာများကို ပြူးခနဲ ပြဲခနဲ ထုတ်ပြလေတော့ရာ သင်းကြောင့် ခေါင်းခဲရသည်မှာလည်း အကြိမ်ပေါင်းမနည်း။ သောက်မြင်ကတ်ဖွယ်ကောင်းလောက်အောင် ၀တ္တရားကျေလွန်းလှသော ထိုဂျီးတော်ကို ဖြုတ်ပစ်လိုသော်လည်း ဆယ်ရေးတစ်ရေး၊ကိုးရေးတစ်ရာ လိုရမည်ရရှိလျှင် ဆက်သွယ်နိုင်ရန်အတွက် မဖြုတ်ရက်ပြန်လေ။ ဦးဟန်ကြည်သည်ကား အပေါင်းအသင်းတထွေးကြီးကြားတွင် ကောင်းသတင်းမွှေးပြီးသား ဘလော့ဂါအကျော်ကြီး မဟုတ်ပါလား။ အကယ်တန္တု ဦးဟန်ကြည်၏ ပို့စ်များကို စုပေါင်း၍ စာအုပ်ထုတ်လိုသူများ ပေါ်လာခဲ့လေလျှင် ဂျီးတော်မရှိပါက ခက်ချေမည်။ ထို့ကြောင့် ဂျီးတော်ကို ဤသို့လျှင် အသာတကြည် ကြည့်နေရပြန်ပါ၏။

ဦးဟန်ကြည်၏ ဘလော့တွင် ကြွက်ကလစ်သွားရာလမ်းတလျှောက်တွင် ဂျီမေးလ်ကို ကြွက်မြီးတန်းလိုက်စေရန် လက်ကမြင်းမိခြင်းကလည်း အတော်ဒုက္ခပေးလေသည်။ ဘလော့ကို တစ်ခေါက်တစ်ကျင်း မျက်စိလည် လမ်းမှား၍ ရောက်လာသော သကောင့်သားများက လက်ယားကြသည်ထင့်။ ဦးဟန်ကြည်ကို ဂျီးတော်တွင် အက်ကြပြန်လေသည်။ ပုပုရွရွ သတ္တ၀ါဟူသမျှကို ချစ်ဖွယ်မက်ဖွယ်ဟု သတ်မှတ်လေသော ဦးဟန်ကြည်ကလည်း အက်သမျှကို မငြင်းတန်း လက်ခံပြန်လေသည်။ လူဦးရေ ခြောက်ဆယ့်ငါးသန်းကျော်သော ရွှေပြည်ကြီးတွင် စာဖတ်ပရိတ်သက် လက်ဆယ်ချောင်းပင် ဖျစ်ဖျစ်မည် မရှိရှာသော ဘလော့ပိုင်ရှင် ဦးဟန်ကြည်ကား သူ့ကိုယ်သူ ဆယ်လဗျစ်တီဟုများ ထင်နေရော့သလား မပြောတတ်။ အနှီသောက်ကျင့်တွေကြောင့် ခက်လှချေရဲ့ ဦးဟန်ကြည်။ လွန်ခဲ့သော ရက်အနည်းငယ်က ဦးဟန်ကြည်တစ်ယောက် ပညာရေးနှင့်ပတ်သက်သော ဆိုဒ်တစ်ခုတွင် နိုင်ငံတကာ ပညာရေးနည်းစနစ်များ၊ သင်ကြားမှု နည်းဗျူဟာများကို မစားရညှော်ခံ သွားရည်ကျနေစဉ် ဂျီးတော်ထံမှ သကောင့်သားတစ်ယောက် ပေါက်လာလေ၏။ ထိုသကောင့်သားကား ဦးဟန်ကြည်ကို မယားလုဖက်များ မှတ်နေရော့သလားမသိ။ “ ဟေ့ကောင်…မင်းနာမည် ဘယ်သူလဲ…” ဟု ခပ်တည်တည် ဟောက်လေတော့ရာ ပုပုရွရွဟူသမျှက လေးစားရသော မဟာ့မဟာ ဦးဟန်ကြည်တစ်ယောက် မျက်လုံးပြူးလေတော့သည်။ ဘုမသိဘမသိနှင့် အကြောင်ကွက်နင်းလေသော ထိုသကောင့်သားကို လူချင်းသာမြင်ရလျှင် နုပ်နုပ်စဉ်းပြီး ခွေးသားပေါက်စီလုပ်ပစ်မိမည်မှာ မုချ။ ယခုမူကား “ သားသားနာမည် ဟန်ကြည်ပါ ခညာ… ” ဟူ၍ လေပြည်ထိုးရလေမည်လော။ “ ငါ ဟန်ကြည်ကွ…မင်းက ဘာကောင်လဲ… ” ဟူ၍ပင် ဟောက်လိုက်ရလေမည်လေ။ သို့တည်းမဟုတ် “ မင်းဘာကောင်လဲ…ငါဘာကောင်လဲ…ငြင်းစရာမလို… ” ဟူ၍ ရက်ပ်သီချင်းရွတ်ပြရမည်လော။ “ ငါဘိုဘိုဟန်…နင်ဘဒူရဲ… ” ဟူ၍ပင် pop လိုက်ရလေမည်လော။ “ ကျွန်တော့်နာမည် ဟန်ကြည်ပါ မြန်မာပြည်မှာ နေပါတယ်… ” ဟူ၍ မျိုးကြော့မြိုင်လိုက်ရမည်လော မစဉ်းစားတတ်တော့။ သို့နှင့်ပင် သင်းကြောင်သမျှကို မမြင်ချင်ယောင် ဆောင်နေလိုက်ရလေတော့သည်။ ဂျီးတော်ထံတွင် ထိုထိုသော အူကြောင်ကြားများ မည်မျှ များနေပြီကို မပြောတတ်တော့။ ဂျီးတော်ထံတွင် နာမည်ကြီးတစ်ခုလုံး ပြူးနေအောင်တပ်ထားသော ဦးဟန်ကြည်ကိုမှ ကြောင်ရက်ကြရှာလေသည်။

လွန်ခဲ့သော သုံးလေးလကလည်း ဂျီးတော်ထံမှ ချာတိတ်မတစ်ကောင် ပေါက်လာပြန်လေသည်။ ဦးဟန်ကြည် မည်သည့်အခါက လက်ခံထားမိလေသည်မသိ။ ထိုချာတိတ်မကား ခပ်ဆန်းဆန်း။ ဦးဟန်ကြည်ကို How are you? ဟု ဘိုလို နှုတ်ဆက်လေသည်။ ဘိုရူးဦးဟန်ကြည်ကလည်း တပြန်တလှည့် How လွှတ်လိုက်သည်တွင် ငတိမ သဘောခွေ့သည်ထင်၏။ မီးကျိုးမောင်းပျက် ဘိုစကားများ ထပ်ထည့်လေတော့သည်။ ဘိုလိုပြောချင်လွန်းလှသော ဦးဟန်ကြည်တစ်ယောက် ရေငတ်တုန်း ရေတွင်းထဲကျသည်သို့ ရှိလေ၏။ သို့နှင့်ပင် ဘိုလိုလေးငါးလုံးမျှ အားပါးတရ လွှတ်လိုက်မိလျှင် ငတိမထံမှ “ bo lo ma pyaw par na ” ဟူသော အင်္ဂလိပ်စာထွက်လာလေတော့သည်။ ဦးဟန်ကြည် လူ့ခွစာကား ထိုအင်္ဂလိပ်စာကိုဖတ်ရင်း ခေါင်းကြီးသွားလေ၏။ သင်းရေးထားသောစာသားကို ဦးဟန်ကြည် ဘာသာပြန်ရန် အသာထား အသံထွက်ကြည့်လျှင်ပင် “ ဘိုလိုးမပျော်ပါးန ” ဟူသည့် ဆိုးရွားယုတ်ညံ့သော အသံကြီးထွက်နေသည် မဟုတ်တုံလော။ သို့နှင့်ပင် ကွန်ပျူတာတွင်းတွင် အလကားမတ်တင်းထည့်ထားသော Webster Dictionary ကြီးအတွင်းတွင် တစ်လုံးချင်း ရိုက်ထည့်ပြီး အနက်ဖွင့်လေရာ Webster ခမျာ ဒုက္ခရောက်လေတော့သည်။ ဦးဟန်ကြည် လွန်စွာမှ အားထားရသော Webster ကြီးပင် ခေါင်းခဲလေရာ ဦးဟန်ကြည် သာမညောင်ညကား ဆိုဖွယ်ရာမရှိတော့။ အတန်ကြာမှ ငတိမ၏ အင်္ဂလိပ်စာကို နီးစပ်ရာအသံတူကပ်၍ လုံးကောက် အသံထွက်ကြည့်ရာ “ ဘိုလိုမပြောပါနဲ့ ” ဟူသည့် အနက်ကို ရလေတော့သည်။ အနှီကဲ့သို့ အလုပ်မရှိ အလုပ်ရှာကာ ဒုက္ခပေးလေသော ငတိမကို “ Myanmar lo ma pyaw tat booooooooooo… ” ဟု ခပ်တင်းတင်း ကြိတ်လိုက်လေလျှင်းးးး(((( ဟူသည့် သင်္ကေတပေါင်း လေးငါးခု ဆက်တိုက်ပြပြီး လစ်လေတော့သည်။ လူချင်းမျက်နှာချင်းဆိုင်တွေ့လျှင် ပါးတက်ရိုက်မည် ထင်၏။ ခက်လှချည့် ရွှေပြည်သူ။ မယ်မင်းက ဦးဟန်ကြည်ကို သူငယ်နှပ်စား ဖွန်ကြောင်ကျားဟု မှတ်ထင်ပြီး ငါးမျှားရန် ကြံလေသည်ထင်၏။ ဦးဟန်ကြည် မည်သော ပုဂ္ဂိုလ်ကြီးသည်ကား ထိုထိုသော ကြောင်ရေချိုးသည့် အလုပ်မျိုးကို လူပျိုလူရွယ်ဘ၀ကတည်းက ဝေရာမဏိခဲ့ချေပြီ။ သနားဖွယ်ကောင်းလေစွတကား။

ဦးဟန်ကြည်နှင့် ဂျီးတော်ဇာတ်လမ်းများကား ပြောမယုံ ကြုံဖူးမှပင် သိပေရော့မည်။ ဂျီးတော်မှတစ်ဆင့်ဆက်သွယ်တော်မူကြသေ ဘော်ဒါဘော်ဂျွတ်များကား မည်သို့သော ပုဂ္ဂိုလ်များပါနည်းဟု မမြင်ရ မသိရခြင်းက ဒုက္ခပေးလွန်းသည် မဟုတ်ပါလား။ ကိုယ်ကမွေး၍ ကိုယ့်သားလောက်သာလျှင် အရွယ်ရှိသေးသော ငတိလေးများ၏ “ မင်း ” နှင့် “ ငါ ” နင့် ကိုက်ပေါက်ခြင်းကိုလည်း ဦးဟန်ကြည် မကြာခဏ ခံရလေသည်။ တစ်ရံတစ်ခါတွင်လည်း “ ဆရာ ကျွန်တော့်ကိုသိလား ” ဟု ဘလိုင်းကွက်ဖြင့် အရိုင်းနှက်သည်ကိုလည်း ကြုံရပြန်၏။ ပရိသတ်ကြီးက ကျော်ဟိန်းကို သိသော်လည်း ကျော်ဟိန်းက ပရိသတ်ကြီးကို မသိနိုင်ဟူသည့် လိုရာဆွဲမူဝါဒကို လက်ကိုင်ထားတော်မူသော ဦးဟန်ကြည်ကား ပုပုရွရွ ဟူသမျှကို “ ကျွန်တော် မေ့နေလို့ပါခညာ…ကျေးဇူးပြု၍ လူကြီးမင်းရဲ့ နာမည်ကလေးများ မစတော်မူပါ… ” ဟု မျက်နှာချိုသွေးစမြဲ။ မသွေး၍လည်းမဖြစ်။ ခေတ်ကြီးကလည်း ကြောစိမ့်လောက်အောင် ကြောက်မက်ဖွက်ကောင်းလှသည်။ မူလတန်းကျောင်းသူကလေး မတရားကျင့်ခံရသည်ကိုပင် လိပ်စာနှင့်တကွ နာမည်နှင့်တကွ ဂျာနယ်စာမျက်နှာပေါ်တွင် ပြူးပြူးပြဲပြဲ ရေးတတ်လေရာ ဘလော့ဂါစူပါစတားကြီး ဦးဟန်ကြည်က သူ၏စာဖတ်ပရိသတ်ကို မချေမငံပြောခြင်း ဟူသည့် စာလုံးမည်းကြီးများ ဂျာနယ်ပေါ်ရောက်မည်ကို ဦးဟန်ကြည် ကြက်သီးထလုမတတ် လန့်သည်မဟုတ်ပါလား။ ထို့ကြောင့်ပင် ဂျီးတော်သားများ ဘုဂလန့်ပြောသည်ကိုလည်း ဦးဟန်ကြည် သည်းခံပါ၏။ ထော်လော်ကန့်လန့် လုပ်ခြင်းကိုလည်း ၀န္ဒာမိပြန်သည်။ တစ်ခါသားတွင် ဂျီးတော်သားတစ်ယောက်က “ ဆရာကလည်း မြန်မာ့ယဉ်ကျေးမှုအကြောင်း ရေးနေပေမယ့် ဓာတ်ပုံထဲမှာကျတော့ ဘောင်းဘီရှည်ကြီးနဲ့ ” ဟု ခွပ်ဖူးလေသည်။ ကော်လာကတုံးနှင့် ရှပ်အဖြူကိုသာ ဒုံးခံဝတ်လေ့ရှိသော်လည်း လူရိုသေရှင်ရိုသေ ရှိစေရန် ရံဖန်ရံခါတွင် style pant ၀တ်လေ့ရှိသော ဦးဟန်ကြည်ခမျာ သင်းလက်ချက်ဖြင့် ရင်ဘတ်ပင် အောင့်ရှာလေတော့သည်။ ခေတ်ကာလ ဘိုးတော်များကဲ့သို့ Jeans pant များဝတ်လိုက်မိလျှင် အမောင်သကောင့်သားက ဦးဟန်ကြည်ကို တရားစွဲမည်ထင်၏။ မည်သို့ပင်ဆိုစေ အပင်မြင့်လျှင် လေတိုက်ခံရသည်မှာ သဘာဝဟူ၍ ဦးဟန်ကြည် နှလုံးသွင်းသည်။ သင်းလုပ်ပုံက မြန်မာမှုကို မြတ်နိုးသော ဦးဟန်ကြည်ခမျာ ဆရာကြီးသခင်ကိုယ်တော်မှိုင်းကဲ့သို့ သျှောင်ထုံးကြီးတစ်လုံး ကွမ်းအစ်ကြီးနီတာရဲနှင့် တောင်ရှည်ပုဆိုးကြီး တကားကား ၀တ်ပြရမည်သို့ ရှိချေသည်။ ထိုသို့ဝတ်ပြန်လျှင်လည်း သကောင့်သားက ဦးဟန်ကြည်ကို ၂၁ရာစု တောကြောင် ( တောသားအူကြောင်ကြောင် ) ဟု သမုတ်ဦးမည်မှာမလွဲ။ မတတ်နိုင်။ သင်းကိုလည်း ဦးဟန်ကြည်မသိ။ ဦးဟန်ကြည်ကိုလည်း ထိုသကောင့်သား အကောင်လိုက် မမြင်ဘူးလေရာ “ ကောင်းပါပြီမောင်ရင်ရယ်…လောလောဆယ်တော့ ဦးဟန်ကြည် တောင်ရှည်အ၀တ်ကျင့်နေပါသဗျား…သို့ပေမင့် တောင်ရှည်ပုဆိုးက ၀ယ်လို့မရတာကြောင့် အမောင်ဆန္ဒရှိရင်လည်း ပို့ပေးတော်မူပါ ” ဟု ညစ်တွန်းတွန်းလိုက်လျှင် ထိုသကောင့်သား နောက်တစ်ကြိမ်ပေါ်မလာတော့ချေ။ ဂျီးတော်ထံတွင် ဘေးထိုင်ဘုပြောသမားများ အလွန်များကြောင်း ဦးဟန်ကြည် ပညာတိုးခဲ့ရသည်မှာ အမြတ်ပင်။

တစ်ခါသားတွင်လည်း ဦးဟန်ကြည် ဘလော့ပတ်နေစဉ် မိတ်ဆွေ ဘလော့ဂီတစ်ယောက် ဂျီးတော်မှတစ်ဆင့် ဦးဟန်ကြည်ကို မင်္ဂလာပါဆရာဟု နှုတ်ခွန်းဆက်လေသည်။ လျှော်ချင်သည့်နေရာ လျှော်သလောက် ညံ့ချင်သည့်နေရာတွင် ညံ့ချက်ကမ်းကုန်နေသော ဦးဟန်ကြည်လည်း ထိုဘလော့ဂီ၏ ဂျီးတော်လိပ်စာမှ angle ဟူသည့်စာသားကို တစ်ချက်မျှကြည့်ပြီးလျှင် “ မင်္ဂလာပါ နတ်နတ် ” ဟု နှုတ်ခွန်းပြန်ဆက်မိလေသည်။ ထိုအခါ အတော်ခွကျသွားဟန်တူသော ထိုသလော့ဂီက လူမှားနေပြီဆရာ ဟူထောက်လေတော့သည်။ ပုပုရွရွဟူသမျှကို စိတ်ချမ်းသာစေလိုသည့် ဥဲီးဟန်ကြည်လည်း “ ဟာ မှားသွားလို့ ပစ်ပစ်ရေ…ဆောရီးပါဗျား ” ဟု အားပါးတရ တောင်းပန်လိုက်လျှင် ဘလော့ဂီထံမှ“ ဆရာကလည်း လုပ်ပြန်ပြီ…ကျွန်မက ဂျာရစ်ပါ ” ဟူသော စာတန်းတက်လာလေတော့သည်။ အားနာလိုက်သည်မှာ မျက်နှာပင် ထားစရာမရှိ။ ဂျီးတော်မိတ်လူလေးငါးဆယ်မျှကိုပင် နာမည်နှင့်လူမတွဲမိသော ဦးဟန်ကြည်ကား ဂျီးတော်နှင့် တန်သည်ဟု မဆိုနိုင်လေ။ အချို့သော ဘလော့ဂါများ၊ ဂေါ်ဆရာများကား အကောင့်တစ်ခုနှင့် အားမရဘဲ အကောင့်သုံးလေးခုဖွင့်ပြီး လူသုံးလေးငါးယောက်လောက်နှင့် တစ်ပြိုင်တည်း ချက်ကြသည်ဟု ဦးဟန်ကြည် ကြားဖူးသည်။ ဦးဟန်ကြည်တို့၏ ချစ်လှစွာသော ကွယ်လွန်သူ ဘလော့ဂါ ကိုကြီးကျောက်လည်း ထိုထိုသော စွမ်းရည်ထူးများကို ပိုင်ဆိုင်လေရာ တစ်ခါသားတွင် ငါးယောက်တစ်ယောက် အပြိုင်ချက်ဖူးသည်ဟု ဆို၏။ ချာတူးလန်လှသော ဦးဟန်ကြည်ကား ထိုကဲ့သို့မစွမ်း။ ဂျီးတော်အထာကိုလည်း သဘောမပေါက်။ တောမျောက်ဦးဟန်ကြည်ပင် မဟုတ်တုံလော။ တစ်ခါတစ်ရံတွင် တစ်ဖက်က ဂျီးတော်မိတ်က စကားတန်းလန်းဖြင့် ဆက်မပြောဘဲ ရပ်ထားလျှင် ဦးဟန်ကြည်ခမျာ ကိုးလိုးကန့်လန့်ကျန်ခဲ့တတ်လေသည်။ စိမ်းနေသော မီးကလေးကို ကြည့်ရင်း တစ်ဘက်မှ စကားဆက်နိုးနိုးဖြင့် လိုင်းပေါ်မှမဆင်းသေးဘဲ စောင့်နေမိတတ်ရှာလေသည်။ စာရေးနေရင်းမှပင် ထိုမီးစိမ်းကလေးကို မကြာမကြာဖွင့်ကြည့်နေမိတတ်သည်မှာ ဆိုးလှ၏။

ဂျီးတော်က ထိုမျှ ပြဿနာပေးသော်လည်း ဦးဟန်ကြည်ခမျာ ဂျီးတော်ကို စိတ်နာသော်လည်း မစွန့်နိုင်လေ။ သေသေချာချာ စောကြောကြည့်မိပြန်လျှင် စာတိုပေစများကို အင်တိုက်အားတိုက် ရေးချွတ်နေသည့် ဦးဟန်ကြည်တွင် ဂျီးတော်မိတ် စာပေဘော်ဒါအရေအတွက်က လက်ဆယ်ချောင်းပင်မပြည့်တတ်။ တက္ကသိုလ်ကျောင်းသားဘ၀တုန်းက သူငယ်ချင်းများသည်လည်း ပိုက်ဆံလုပ်နေရသဖြင့် ဦးဟန်ကြည်စာသမားကဲ့သို့ အချိန်အားရတိုင်း အွန်လိုင်းမတက်နိုင်၊ ဂျီးတော်မှတစ်ဆင့် မဆုံနိုင်။ ထိုထိုသော အကြောင်းများကြောင့် ခေါင်းစားလှသော ဂျီးတော်ကို ဦးဟန်ကြည် ဖြုတ်ပစ်ရန်ကြံသည်။ အွန်လိုင်းပေါ်တက်တက်ချင်း log in မဖြစ်စေရန် ကလိမည် စိတ်ကူးသည်။ သို့သော် ထိုစိတ်ကူးသည် အကောင်အထည်မပေါ်။ အဘယ်ကြောင့်ပါနည်း။ ဂျီးတော်ဖြုတ်လိုက်လျှင် ဘလော့ဂါအကျော်အမော်ကြီး ဦးဟန်ကြည်၏ ထင်ရှားလှသော ပို့စ်များကို စာမျက်နှာထက်သို့ ယူဆောင်ခွင့်ပြုရန် ခယ၀ယ တောင်းပန်ကြမည့် အယ်ဒီတာ အယ်ဒီတိုများ အခက်တွေ့ကြပေလိမ့်မည်။ ဦးဟန်ကြည်တစ်ယောက်က ဂျီးတော်ပေးသည့် ဒုက္ခသေးသေးကို မခံလိုသောကြောင့် ရွှေပြည်သူရွှေပြည်သားအများအပြားခမျာ ဦးဟန်ကြည်၏ စာကောင်းပေမွန်များကို ဖတ်ရှုခွင့်မရသည့် ဒုက္ခကြီးမားစွာ ရောက်ရှာမည့်အရေးကို မလိုလားအပ်…း)။

ထို့ကြောင့်ပင်လျှင် ပြည်သူချစ်သော ဦးဟန်ကြည်သည်ကား အွန်လိုင်းတက်သည့်အချိန်တိုင်းတွင် ဂျီးတော်မိတ်များ ပေးတော်မူသော အာဝေနိက ဒုက္ခပေါင်းစုံကို တိုင်းပြည်အတွက် စာပေအတွက်ဟု နှုတ်မှတဖွဖွရွတ်ရင်း သည်းခံ၍ နေလေသည် ဟူသတတ်…း)

  

    

အသော့ရေးလိုက်ပါတဲ့ ဘလော့ဒေးတဂ်ပို့စ် . . .

ဒွန္တယာကြီးမှာ ထမင်းတစ်လုပ် အတင်းအုပ်ဖို့ဆိုတာလည်း တစ်နေ၀င်တစ်နေထွက် အသက်ထွက်လုခမန်း ရုန်းရကန်ရတာကလား အရပ်ကတို့ရယ်။

 ဒီကြားထဲမှာ လက်လှုပ်မှ ပါးစပ်လှုပ်ရတဲ့ သာမန်လူတွေနဲ့ လားလားမှမတူတဲ့ ဦးဟန်ကြည်ခမျာ ပါးစပ်လှုပ်မှ ပါးစပ်လှုပ်ရတဲ့လူဖြစ်နေပြန်တော့ တစ်နေကုန်လို့ ညခင်း ကိုးနာရီလောက်မှာ အိမ်ပြန်ရောက်ရင် ချစ်လှစွာသော မဒမ်ဟန်ကြည်ကိုတောင် ပြုံးမပြနိုင်လောက်အောင် ချာဂျင်ခမ်းပြီးသား ဖြစ်နေပါလေရော။ အိမ်ပြန်ရောက်တော့လဲ သူတကာလို ဇိမ်နဲ့ နှပ်ခွင့်မရှိတဲ့ ပညာရေးလောကသားဖြစ်နေပြန်တော့ သင်ထောက်ကူတွေရေးရ၊ သင်ရိုးတွေပြင်ရ၊ လေ့ကျင့်ခန်းတွေစစ်ရနဲ့ တစ်ရက်တစ်ရက်များ လျှောခနဲ ဖြုတ်ခနဲ ကုန်သွားလိုက်တာ ကိုယ့်အသက်အရွယ်အတော်ထောက်လာမှန်းတောင် ခေါင်းပေါ်က ဆံပင်ဖြူတွေ အတော်များလာတာကို မှန်ကြည့်ရင်းမြင်မှ သတိထားမိတော့တာကလား။ နိုင်ငံ့ဝန်ထမ်းများဆိုရင်တော့ နားရက်တို့ ခွင့်တို့ ရှိချင်ရှိပေလိမ့်မယ်။ ဦးဟန်ကြည်တို့လို ကိုယ့်ဝန်ကိုယ်ထမ်းကျတော့ ဘယ်မှာနားရက် ရှိလိမ့်တုန်း။ ခွင့်ဆိုတာကလည်း အိပ်ယာထဲက မထနိုင်အောင် ဖလက်ပြသွားမှ ယူကောင်းတဲ့အရာဆိုတော့ ကိုယ့်အလုပ်နဲ့ကို ဂျင်ဂျင်ကိုလည်နေပါရော။

အနှီလောက် မနားမနေ ထမင်းရှာစားနေရတဲ့ကြားမှာ ဘယ်ဘဝေဘ၀က ၀ဋ်ကြွေးပါတော်မူခဲ့တယ် မပြောတတ်ပေါင်ဗျာ။ စာကလေးတစ်ရက်လောက် မဖတ်ရရင်၊ ကဗျာတစ်တို စာတစ်ညိုလောက်မှ အာသာပြေမရေးလိုက်ရရင် အိပ်လို့က သိပ်မပျော်ချင်၊ စားလို့က သိပ်မ၀င်ချင်ဖြစ်နေပြန်တော့ ကိုယ့်ကိုယ်ကို အော်တိုငုတ်တုပ် နှိပ်စက်ပြီးသား “ အတ္တကိလမထ နုရောဂေါ ”ကို ဖြစ်နေပြန်ပါရော။ မဖြစ်နေရိုးလား။ စာဖတ်တတ်စ ပုလုကွေးအရွယ်ကတည်းက ကျောင်းစာလည်းကျက် အပြင်စာလည်းဖက်နေပြန်တော့ ညပိုင်းဆိုရင် သူတကာလို ဘယ်မှာအိပ်ရေး၀၀ အိပ်ရလိမ့်တုန်း။ အခုလို အလုပ်ပိတဲ့ အသက်အပိုင်းအခြားရောက်တော့ ပိုဆိုးပါလေရော။ ထမင်းစားချိန်နဲ့ အင်အင်းသွားတဲ့အချိန်တောင် စာအုပ်ကလေးတစ်အုပ်လောက် လက်ထဲကိုင်ဖတ်နေရမှ ကိစ္စ၀ိစ္စတွေ ရှောရှောရှူရှူပြီးတဲ့အထိ သောက်ကျင့်ကြီးများတောင် ပါလို့။ တစ်ခါတစ်ခါများ စာထဲမှာ ဈာန်ဝင်သွားရင် စားတဲ့ထမင်း ဘယ်ဟင်းနဲ့၊ ပါတဲ့အင်အင်း ဘယ်စမြင်းနဲ့ဆိုတာတောင် သတိမထားမိချင်ဘူး။ ပါရမီများကလည်း ထူးချင်ပြန်တော့ ဘတ်သီးလေးနှစ်လုံးကလည်း ပါဝါပြည့်ပါ့ဗျား။ ဒီအသက်ဒီအရွယ်ရောက်တဲ့အထိ စာတွေဘယ်လောက်ဖတ်ဖတ် မျက်ရိုးကလေးတစ်ချက်တောင် မကိုက်ရှာလေတော့ အလုပ်တွေပြီးတဲ့ ညခင်းဘက်ရောက်ရင် အွန်လိုင်းပေါ်တက် တောင်စာဖတ်၊ မြောက်စာဖတ်နဲ့ စောစောအိပ်တဲ့အချိန်ဆိုတာ လင်းအားကြီး မနက်နှစ်နာရီ။ မဒမ်ဟန်ကြည်ကတော့ စာကြမ်းပိုးဦးဟန်ကြည်ကို မျက်စောင်းခဲရင်း “ တော့်အနှီလိုသာ အိပ်ချိန်စားချိန် မမှန်ရင် ဂိန်းဘောမြန်မြန် ဆိုက်ပါလိမ့်မတော်… ” လို့ ထောပနာပြုပါလေရော။ တတ်နိုင်ဘူး။ လှေသမား ရေနဲ့သေ၊ အလမ္မာယ်ဆရာ မြွေနဲ့သေဆိုသလို ဘလော့ဂါလည်း စာနဲ့သေရင် ဂုဏ်တောင်ရှိသေး။ ဖွဟဲ့..လွဲပါစေ…ဖယ်ပါစေ…း)

လူဆိုတဲ့သတ္တ၀ါမျိုးကလည်း အခက်သားကလား။ စာကလေးပေကလေး တောင်တစ်တို့ မြောက်တစ်တို့ ဖတ်သက်ရင့်လာရင် စာတိုပေစလေးက ရေးချင်ချွတ်ချင်လာပြန်ရော။ သိတာတွေများလာတော့ လျှံကျလာတဲ့ သဘောဖြစ်မယ်ထင်ပါ့။ အနှီတော့ စာဖတ်တတ်ကတည်းက စာအုပ်ပုံကြားမှာ လူလားမြောက်လာတဲ့ ဦးဟန်ကြည်လို စာကြမ်းပိုးတို့အဘ စာလိပ်ခမျာ တွေ့ကရာရှစ်သောင်းတွေကို သပ္ပဏပေါင်းစုံအောင် ရေးထားတာမှ စာရေးဆရာ မြင့်သန်းရဲ့ စကားလုံးကို ကိုယ်ကြိုက်သလို ဟန်ကြည်မှုပြုပြီးပြောရရင်တော့ “ သူရေး၍ သူဖတ်သော စာများ ” ချည်းရေးထုတ်လာတာ မှတ်မှတ်သားသား သိမ်းထားဖြစ်ခဲ့မယ်ဆိုရင် ဘယ်နည်းလိမ့်တုန်း။ သို့ပေမင့် မိဘများကလည်း သားတော်မောင် တောက်မဲ့မီးခဲ ( ငရဲမီးလေးလား ဘာမီးလေးလားတော့ မသိပေါင်ဗျာ…မီးခဲဆိုတော့လည်း မီးခဲလိုက်ပေါ့…း) ပါရမီ့ရှင်ကလေးကို နမူမစိုက်ကြဘူးကိုး။ အနှီတော့ ရေးခဲ့သမျှစာ ဖွဲ့ခဲ့သမျှ ကဗျာတွေခမျာ ဘော်တယ်ကုလားဆီချည်း ရောက်ကုန်ပါလေရော။ ( ဟစ်တလာကြီးကတော့ သူအာဏာရှင်ဖြစ်တဲ့အခါ နုစဉ်ဘ၀တုန်းက တောင်ခြစ်မြောက်ခြစ် ခြစ်ထားတဲ့ ပန်းချီကားတွေအကုန် ရှာပြီး သိမ်းပစ်တယ်ဆိုပဲ။ ဦးဟန်ကြည်လည်း ဟစ်တလာကြီးအားကျလို့ ရွေးကောက်ပွဲများ ၀င်ရင်ကောင်းမလားတောင် စဉ်းစားမိပါရဲ့။ ရွှေပြည်ကြီး ကံဆိုးမိုးမှောင်ကျလို့ ဦးဟန်ကြည် သမ္မတများဖြစ်ခွင့်ကြုံရင်တော့ နုစဉ်ဘ၀က ရေးထားတဲ့ စာတွေ ကဗျာတွေ ဈေးကောင်းရလိုက်မယ့် ဖြစ်ခြင်း…း) ဦးဟန်ကြည်တို့ အနှီလို စာပိုးကိုက်ခံရတုန်းက ဘုတ်အုတ်ခေတ်ကိုး။ ဒီဘက်ခေတ်ရောက်လို့ အီးစံကွားကောင်းမှုနဲ့ ကွန်ပျူတာတွေ ဈေးသင့်ပြီး အွန်လိုင်းတွေဘာတွေပေါ်လာတော့ အောင်မယ်မင်း ဦးဟန်ကြည်တို့ ခွေးဘုရားပွဲတွေ့ပါလေရောလား။ တစ်နေ့တစ်နေ့ အွန်လိုင်းပေါ်တက်ပြီး တွေ့ကရာရှစ်သောင်းတွေကို ထောင်းလမောင်းကျေအောင် ဖတ်လိုက်သမှ ဘေးမှာထိုင်နေတဲ့ မဒမ်ဟန်ကြည်ကိုတောင် ခပ်မေ့မေ့။

အစပိုင်းတုန်းကတော့ သူများစာတွေလိုက်ဖတ်ရင်း ကိုယ်လည်းရေးလို့ရတယ်ဆိုတာ ဘယ်သိလိမ့်တုန်း။ မသိဆို ဦးဟန်ကြည်ဆိုတာကလည်း အင်တာနက်ဆိုတဲ့ သတ္တ၀ါကြီးကို ၂၀၁၀ လောက်ရောက်မှ အရှင်လတ်လတ်ကြုံဖူးတဲ့ နည်းပညာတောသားစစ်စစ်။ မရှိရှိရာ ရှာကြံကြွားရမယ်ဆိုရင် အရင့်အရင် ၂၀၀၀ခုနှစ်ဝန်းကျင်နှစ်တွေတုန်းကတော့ ကွန်ပျူတာ ကိုင်ခဲ့ဖူးပါရဲ့။ သို့ပေမင့် ဦးဟန်ကြည်တို့ ကိုင်ခဲ့ဖူးတာက ဈေးနှုန်းခေါင်ခိုက်နေတဲ့ Pentium 1 ကွန်ပျူတာမည်ကာမတ္တ။ အနှီဖွတ်ချီးဖွတ်ချက် ကွန်ပျူတာကလည်း သူ့ခေတ်တုန်းက Super cub ဆိုင်ကယ်ထက်တောင် ဈေးကြီးသေးတာကလား။ အနှီတော့ ကွန်ပျူတာကို လက်အုပ်မချီရုံတမည် တရိုတသေ ကိုင်ခဲ့ရပြန်တာမို့ ဂိန်းချရုံကလွဲပြီး ဘာနည်းပညာမှ ဖြစ်ဖြစ်မြောက်မြောက်ကို မတတ်ခဲ့ပြန်ဘူးကိုး။ ကြားထဲမှာ နည်းပညာနဲ့ အဆက်ပြန်သွားလိုက်တာ ဦးဟန်ကြည် ကွန်ပျူတာနဲ့ ပြန်ညားတော့ Core i3 တွေ i5 တွေ ဖြစ်နေပါပေါ့လား။ အနှီတော့လည်း တောသားထုံးစံအတိုင်း တောင်ကလိမြောက်ကလိ။ အွန်လိုင်းပေါ်က ပြဿနာကောင်တွေလက်ချက်နဲ့ ကွန်ပျူတာကို ဗိုင်းရပ်စ်ကိုက် ၀င်းဒိုးကျလို့ ၀င်းဒိုးတစ်ခါတင် ခြောက်ထောင်ခုနစ်ထောင် သွားသွားလှူရတာများ တကတည်း ကွန်ပျူတာဆိုင်က မောင်ရင်များဆိုရင် ဦးဟန်ကြည်သူရို့ဆိုင်ထဲဝင်လာတိုင်း အလှူ့ရှင်ပေါ်ပဟဲ့ဆိုတဲ့ အတွေးနဲ့ နွားပြာကြီးအောက်သွားမရှိကို ဖြစ်ပါလေရော။ အခုအချိန်ပြန်တွေးကြီးတော့ အနှီဘာမှမခဲယဉ်းတဲ့ ၀င်းဒိုးကလေးတင်တာကို တနင့်တပိုးတောင်းခဲ့တဲ့ သကောင့်သားတွေကို သောက်ညင်ကတ်လိုက်လေခြင်းဗျာ။

 ဟိုဆိုဒ်ဝင်ဖတ် သည်ဆိုဒ်ဝင်ဖတ် မန်ဘာဝင်ရမယ်ဆိုရင်လည်း အလကားမတ်တင်းရထားတဲ့ ဂျီမေးလ်အကောင့်အားကိုးနဲ့ ပစ်ဝင်လိုက်တာချည်း။ အောင်မယ်…ဒါတင်ဘယ်ကလိမ့်တုန်း။ ဂူးဂဲမှာ ဘာပဲရှာရှာ ရှေ့ကနေ ဖရီးတစ်လုံး အရင်ရိုက်ထည့်တာများ အခုတောင် လက်ကျင့်ပါလို့မဆုံးဘူးဗျား။ ဟိုဒင်းဒီဒင်းတွေ ဖရီးပေးမယ်ဆိုလို့ကတော့ အလကားရရင် ၀မ်းနှုတ်ဆေးတောင် နှစ်ခါပြန်သောက်တဲ့ ရွှေပြည်သားထုံး နှလုံးမူပြီး ကိုယ့်အီးမေးလ်ကို ပေးထားလိုက်သေးတာရယ်။ အလကားပေးတဲ့ ကိုဟိုဒင်းတို့ကလည်း ပါးလိုက်သမှ ဆီစိမ်စက္ကူလို ဟိုဘက်ဒီဘက်တောင် ဖောက်မြင်ရလောက်တယ်ထင်ရဲ့။ တကတည်း ပေးထားလိုက်မိတဲ့ မေးလ်လိပ်စာအတိုင်း ပို့တော်မူလိုက်တဲ့ ကြော်ငြာတွေ စပမ်းမေးလ်တွေမှ တစ်ရက်တစ်ရက် ဘယ်နည်းလိမ့်တုန်း။ ဦးဟန်ကြည် တောသားကတော့ အံမယ် ငါ့မှာ နိုင်ဂျံဂါးမိတ်ဆွေတွေ အတော်များသကိုးလို့ လက်မထောင်ချင်စိတ်တောင် ခပ်ပေါက်ပေါက်။ အနှီတုန်းက အူပုံထူပုံများ ကြုံတုန်း ကြွားရရင် မေးလ်စစ်တဲ့အခါ စပမ်းမေးလ်ပါမကျန် တစ်ခုမကျန်ဖတ်ပြီး စစ်တာကလား..း) အနှီိလို မန်ဘာဝင်ဖြစ်ပေမယ့် သူတကာတွေ စာစုရေးတဲ့ ဆိုဒ်တွေမှာတော့ မ၀င်ဖြစ်ပေါင်ဗျာ။ စာရေးကြတဲ့ ကလေးတွေကြားထဲမှာ ကြီးကောင်ကြီးမနဲ့ လူမြင်မတော်မှာ ရှက်စရာကြီးကိုး။ သို့ပေမင့် အိပ်မက်ဒေါ့ကွန်းမှာတော့ ကဗျာလေးတွေရေးဖြစ်ချွတ်ဖြစ်ခဲ့ပါရဲ့။ နောက်ပိုင်းကျတော့လည်း အိပ်မက်ကို အိပ်မက်ထဲမှာတောင် သိပ်မရောက်ဖြစ်ပြန်တော့ဘူး။ အိပ်မက်မရောက်တော့ဆို ဦးဟန်ကြည်လည်း သူတကာတွေနည်းတူ ကိုယ်ပိုင်ဘလော့လေးတစ်ခုကို ၂၀၁၀ ဧပြီမှာ ဆောက်နိုင်ခဲ့ပြီကိုး။

credit to google

အနှီလို ကိုယ်ပိုင်ဘလော့လေး ဆောက်ဖြစ်တော့ ပီတိဖြစ်ချက်များကတော့ ဆယ်တန်းတုန်းက အောင်စာရင်းသွားကြည့်တာထက်တောင် ပိုဦးမယ်ထင်ရဲ့။ စမ်းတ၀ါးဝါးနဲ့ တောင်စာရေး မြောက်စာရေး။ သို့ပေမင့် တောသားပီပီ သူများဘလော့တွေမှာ ကွန်မန့်တွေဘာတွေ ဘယ်ပေးတတ်လိမ့်တုန်း။ ချောင်းကြည့်ပြုံးပြန်ချည်း လုပ်နေလိုက်တာ တစ်နှစ်လောက်ကြာတဲ့အထိ ဦးဟန်ကြည်ရဲ့ “ အတွေးစလေးတွေ ” ဘလော့မှာ သူရေး၍ သူဖတ်သော ပို့စ်တွေမှ ထောင်းလမောင်းကိုထလို့။ အောင်မယ်…စာဝဋ်ကြီးတဲ့လူများ ဘယ်သူဖတ်ဖတ် မဖတ်ဖတ် ကိုယ်ရေးတာ ကိုယ်ပြန်ဖတ်နေရတာကိုက အရသာ အင်မတန်ရှိတာကလား။ ပြောရရင်တော့ အတွေးစလေးတွေရဲ့ အမာခံပရိသတ်ကြီးက ဦးဟန်ကြည်ကိုယ်တိုင်ကိုး…း) သူများဘလော့တွေ တောင်ချောင်းမြောက်ချောင်းလုပ်ရင်း ကွန်မန့်လေးဘာလေးပေးတတ်တော့ ( အထင်မကြီးလေနဲ့ Kp3 ကျေးဇူး… ) ကိုယ့်ဘလော့လေးမှာလည်း ကွန်မန့်လေးတွေ ဟိုတစ်ခု သည်တစ်ခုမြင်လာရပါလေရော။ အောင်မယ်…ကွန်မန့်လေးတစ်ခု စမြင်ရတုန်းကများ ရည်းစားစာ ပထမဆုံးအကြိမ်ရတဲ့ အပျိုမဒမ်းများလို့ နေမထိ ထိုင်မသာကို ဖြစ်လို့။ အနှီကွန်မန့်ပိစိညှောက်တောက်ကလေး ရလာတာတောင် မဟာအောင်မြင်မှုကြီးရယ်လို့ ကိုယ့်ကိုယ်ကို အထင်တော်တွေ စွတ်ကြီးပစ်လိုက်သေးတာရယ်…း)

ဘလော့ကလေး တစ်နှစ်သားကျော်လို့ ဘလော့ပါးလည်း ၀-လာရော သူများဘလော့ကိုယ်လည် ကိုယ့်စာသူဖတ်နဲ့ ပျော်စရာအင်မတန် ကောင်းတာကလား။ ဘလော့ဂါချင်းလဲ ဘာချစ်ကြသလဲ မမေးနဲ့။ မချစ်ဘဲ နေရိုးလား။ ကိုယ့်ထမင်းကို ရှာစားပြီး အာဝေနိကဒုက္ခတွေ ကိုယ်စီခံစားနေရတဲ့ကြားမှာ ကိုယ့်ဖွတ်ကလိဒင်္ဂါးကိုယ် အကုန်ခံပြီး တောင်ရေးမြောက်ရေး ရေးနေရတဲ့ ၀ဋ်သမားတွေချည်းကိုး။ အနှီတော့လည်း ပုလင်းတူ ဘူးဆို့ချင်း ချစ်ကြ ခင်ကြတာ ဘယ်ဆန်းလိမ့်တုန်း။ တစ်ခါတစ်ခါများ သူများစီပုံးမှာ ပေါက်ကရတွေ သွားသွားရေးရတာများ လူကြီးကစားနည်းကို ဖြစ်လို့။ အနှီကြားထဲမှာ ဘိလပ်သား သူကြီးမင်း ကိုကိုမောင်တို့ ဂျာရစ်ကတော် ကိုရင်တို့လို ကလေးကြီးတွေက စီပုံးမှာ အရုပ်တွေဆော့လို့ရအောင် ကလိထားပြန်တော့ သူရို့လုပ်ထားတဲ့ အရုပ်တွေကို CIA ပစ်ပစ်တို့လို ကလေးပေါက်စတွေက သွားကလိ။ ကလေးကြီးတွေ စိတ်ဆိုးပြီး အော်ထုတ်ရင် ပြန်ပြေးနဲ့ တကဲ့ပျော်စရာကြီးတွေကိုး။ ဒီကြားထဲမှာ တဂ်ပို့စ်လေးတွေကလည်း ကြိုကြားကြိုကြား ပေါ်လာကြသေးတာ။ အနှီတော့ ရေးစရာကလည်း ပေါပါဘိ။ ဘလော့ရွာကြီးမှာ ကိုကြီးကျောက်လို လူငယ်တွေနဲ့ ပျော်ပျော်ပါးပါး နေတတ်တဲ့ စီနီယာဘလော့ဂါကြီးတွေကလည်း ရှိသလို ဦးဟန်ကြည်တို့လို ဗုံမဟုတ် ပတ်မဟုတ် မကြီးမငယ်ဘလော့ဂါတွေရော ချာတိတ်ဘလော့ဂါလေးတွေရော တပျော်တပါးကြီးဆိုတော့ ပြန်တွေးတိုင်း လွမ်းစရာ။ ဘလော့ဂါသံယောဇဉ်ဆိုတာကလည်း အဆန်းသား။ အများသိတော်မူကြတဲ့အတိုင်း ဘလော့ဂါဆိုတာကလည်း လူတန်းစားတစ်မျိုး။ အပြင်လောကမှာ ဘ၀အထွေထွေ၊ လုပ်ငန်းအသီးသီးနဲ့ ကိုယ်စီကိုယ်ငှ ရုန်းကန်နေကြရသူတွေဖြစ်ပြန်တော့ ဘ၀ချင်းက ထပ်တူမကျနိုင်တာတွေချည်း။ သို့ပေမင့် အွန်လိုင်းပေါ်တက် ဘလော့ပေါ်ရောက်ကြရင် အားလုံး တပြေးညီ။ စီနီယာမရှိ၊ ဂျူနီယာမသိ။ သူဌေးမရှိ ဆင်းရဲသားနတ္ထိ။ ပညာအဆင့်မခွဲ။လူကြီး လူငယ် လူလတ်မရွေး အားလုံးတပြေးထဲ။ ကိုယ်တတ်သမျှ ကိုယ်သိသမျှ ကိုယ်ခံစားရသမျှ စေတနာဗလပွနဲ့ ဝေကာငှလိုက်ကြတာမှ လိုလေသေးမရှိ။ ဟင်းချက်နည်းအစ၊ ရသစာပေအလည်၊ နည်းပညာအဆုံး တကယ့်ရတနာတုံးကြီးတွေ အလကားဝေနေတဲ့အလား။ စကားလုံးကြီးကြီးပြောရရင် ဟိုးအရင် မ.ဆ.လ ခေတ်တုန်းက စိတ်ကူးယဉ်ခဲ့ကြဖူးတဲ့ လူတန်းစားညီမျှရေး ဆိုရှယ်လစ်လူ့ဘောင်သစ်ဆိုတာကြီးနဲ့တောင် အလားသဏ္ဌာန် တူမယ်ထင်ရဲ့။ သို့ပေမင့် ဘလော့ရွာကြီးက အနှီစိတ်ကူးယဉ်လူ့ဘောင်ထက်တောင် ပိုချစ်စရာကောင်းတယ်လို့ ဦးဟန်ကြည်ကတော့ ပုဂ္ဂလဓိဋ္ဌာန်နဲ့ ကောက်ချက်ချလိုက်ချင်ပါသဗျား။

အနှီလောက် ပျော်ဖို့ကောင်းလှတဲ့ ဘလော့ရွာကြီးထဲမှာ ဦးဟန်ကြည်တို့ ဘလော့ဂါ ဘလော့ဂီတစ်သိုက် ပျော်ပျော်ကြီး ကျင်လည်လိုက်ကြတာ ဒီဘက်နှစ်ပိုင်းတွေရောက်တော့ ဘလော့ဂါလူဟောင်းကြီးတွေလည်း တဖြည်းဖြည်း ပင်စင်သွားတဲ့လူကသွား ဖွဘုတ်ပေါ်တက်အောင်းတဲ့လူကအောင်းနဲ့ ဖြစ်လာပါလေရော။ တစ်ချို့လည်း အိမ်ထောင်တွေကျကုန်လို့ ဘလော့ဘက်ကနေ အသည်းလေး ပူတူတူးလေးဘက်လှည့်တည့်လူကလှည့် ( ဥပမာ ချဉ်ပေါင်ခြံ ကိုဘကြိုင်ကြီးလိုပေါ့...း)။ တစ်ချို့ကလည်း ရွှေပြည်ကြီးပြန်ရောက်လို့ ဘလော့ဂါစိတ်ပျောက်တဲ့လူကပျောက် ( ဥပမာ ကငြိမ်းနိုင်…း)။ တစ်ချို့ကလည်း အလုပ်များလို့ ရည်းစားပူမိလို့ အကြောင်းပြပြီး စာရေးကျဲတဲ့လူကကျဲ ( ဥပမာ သူကြီးမင်း ကိုကိုမောင်၊ ဒေါ်ချော…း) ဆိုတော့ ဦးဟန်ကြည်တို့ ဘလော့ရွာမှာ ခြောက်ခြောက်ကပ်ကပ်ကြီး ဖြစ်လာပါလေရော။ သို့ပေမင့် ဖိုးရေးချင် ဦးဟန်ကြည်ကတော့ ရေးဆဲ ရေးမြဲပါဗျား။ အင်း…ပြောမယ့်သာပြောရတယ် ဦးဟန်ကြည်လည်း ဒီဘက်လပိုင်းမှာ ဖွဘုတ်ဓာတ်ကျပြီး ပို့စ်တွေကို ဖွဘုတ်မှာပဲ တင်ဖြစ်နေတာ ဘလော့ရွာကို သစ္စာဖောက်ရာကျတာမို့ သိပ်တော့မနိပ်လှဘူး။ ၀ဋံသကာ ဦးရွှေအောင်ရေးတဲ့ ရသစာပေ၏ရသဆိုတဲ့ ကျမ်းထဲမှာ သိင်္ဂါရရသ၏ အန္တရာယ်မှာ ဟဿရသဖြစ်၏လို့ ဆိုထားလေတော့ ဦးဟန်ကြည်ကလည်း ဘလော့ရွာ၏ အန္တရာယ်မှာ ဖွဘုတ်ပင်ဖြစ်လေ၏လို့များ ထွင်လိုက်ရမလားလို့ စဉ်းစားမိပါသေးရဲ့။ သို့ပေမင့် အခုတဂ်ပို့စ်ကိုတောင် ဖွဘုတ်ပေါ်က မိတ်ဆွေဘလော့ဂါတွေ အချင်းချင်း တဂ်ကြပြုကြလို့ ဦးဟန်ကြည်သိရတာဆိုပြန်တော့လည်း အနှီလို သမုတ်ဖို့ မသင့်ပြန်ဘူး။ အနှီတော့ ဘလော့နဲ့ ဖွဘုတ် မျှတညီညွတ်အောင် ကြိုးစားကြရင်း ဦးဟန်ကြည်တို့ ဘလော့ဂါအများစုလည်း ဒီမိုကရေစီရဲ့ အခြေခံဖြစ်တဲ့ အတူတကွပူးပေါင်းဆောင်ရွက်ခြင်းဆိုတဲ့ coorperative policy ကို အကောင်အထည်ဖော်ပြီးသား ဖြစ်ပြီမဟုတ်လား။

ကိုင်း…မိတ်ဆွေ ဘလော့ဂါ ဘလော့ဂီအပေါင်းတို့ရေ။ စိတ်ကူးယဉ်ဆိုရှယ်လစ်လူ့ဘောင်ထက် ပိုပီပြင်ပြီး ဒီမိုကရေစီအခြေခံကိုပါ လေ့ကျင့်ခန်းဆင်းပေးနေတဲ့ ဦးဟန်ကြည်တို့ ဘလော့ရွာကြီး ချစ်စရာ မကောင်းပေဘူးလားဗျာ။ ဒီကြားထဲမှာ လူအများနဲ့ ပေါင်းသင်းဆက်ဆံနေရလို့ social skill မိတ္တဗလဋီကာပါ ကျေပြီးသားဖြစ်ရုံသာမက ကိုယ့်ပို့စ်မှာ လာဆဲတဲ့လူတွေကိုလည်း သည်းခံရင်းနဲ့ ခန္တီပါရမီလည်း ဖြည့်ကျင့်ရာ ရောက်ပြန်တာမို့ ဒီဘလော့ဒေးကနေ နောင်နှစ်ပေါင်းများစွာကြာအောင် အွန်လိုင်းအဆင်ပြေသမျှ ကာလပတ်လုံး ဘလော့ဂင်းကြပါစို့လား… ( ရွှေပြည်ကြီးမှာ အင်တာနက်လိုင်းများ ဂျောင်းဂျောင်းပြေး မြန်နှုန်းမြင့်ပါစေကြောင်းလည်း ဆုမွန်ကောင်းတောင်းကြဦးစို့ရဲ့…း)။   ။

( လွန်ခဲ့တဲ့နှစ်တွေတုန်းက ရေးဖြစ်ခဲ့တဲ့ ဘလော့ဒေးတဂ်ပို့စ်မှာတော့ ရောက်ဖူးတဲ့ ဘလော့တွေအကြောင်း ဘလော့ဂါတွေအကြောင်း စီကာပတ်ကုံးရေးဖြစ်ခဲ့ပေမယ့် ဒီတစ်နှစ်တော့ စာမေးပွဲကာလကြီးဖြစ်နေတာမို့ ကလေးတွေစာမေးပွဲဖြေနေကြတာကို စောင့်ပေးရင်း ခပ်သောသော့ရေးလိုက်တာကြောင့် ဘလော့ညွှန်းမထည့်နိုင်တာ ခွင့်လွှတ်တော်မူကြပါဦး…း)