ဗုန်းမှန်လို့ဖြင့် မပျက်နိုင် . . .

credit to Google

ဦးဟန်ကြည် ဖျားနေသည်။

 သွေးနှင့်ကိုယ် သားနှင့်ကိုယ် သာမညောင်ည လူမည်ကာမတ္တသာဖြစ်သော ဦးဟန်ကြည်ဖျားသည်မှာ မထူးဆန်း။ ဖျားစရာရှိလျှင် ဖျားမည်။ နာစရာရှိလျှင်လည်း နာမည်။ သေချိန်တန်လျှင်လည်း သေရဦးမည်မှာ မုချ။ အသိတရားတို့ မည်မျှရှိသည်ထားဦး တကယ်တန်းဖျားပြီ နာပြီဆိုလျှင် ရှိနှင့်ခဲ့သော အသိတရားတို့ကား ဝေးဝေးသို့ ပြေးကြသည်ချည်းဖြစ်လေ၏။ ဝေဒနာကို ဥာဏ်ဖြင့်ယှဉ်ပြီး သတိဖြင့် ထိန်းချုပ်ရမည်ဟူသော တရားသဘောတို့သည်လည်း ဖျားနာချိန်တွင် အနားသို့ မသီနိုင်တော့ပြီ။ အာဂန္တုအဖျားအနာကလေး ကြုံရုံမျှဖြင့် အသိနှင့် တရားသဘောတို့ကို မျက်မှောက်မပြုနိုင်တော့သော မိမိကိုယ်ကို ဦးဟန်ကြည် အလန့်ကြီး လန့်မိလေတော့သည်။ ကြံ့ခိုင်ပါသည် မာကြောပါသည်ဟု ထင်တစ်လုံးဖြင့် ကျေနပ်နေမိသမျှ မှားယွင်းနေကြောင်း အမှတ်ထင်ထင် သိလိုက်ရသော အခိုက်အတန့်သည် ဖျားနာခြင်း ဝေဒနာဆိုးထက် ပိုမိုပြင်းထန်သော စိတ်ဝေဒနာကို ကိန်းအောင်းစေတော့သည်။ ဦးဟန်ကြည်သည် သာမညောင်ညအဆင့်ပင် မရှိသေးပါလား။ လူ့အန္ဓသာသာပါလား။

တရားကပ်နိုင်ခဲသော လူ့အန္ဓတို့၏ ထုံးဟောင်းကို လိုက်နာ၍
 ကိုယ့်ကိုယ်ကိုယ်ဖော် မသူတော်လုပ်ရလျှင် ဦးဟန်ကြည်သည် တော်ရုံတန်ရုံဖြင့် ဖျားတတ်နာတတ်သူမဟုတ်။ ပုလုကွေးအရွယ်က တစ်မိသားစုလုံး တုပ်ကွေးမိချိန်တွင်ပင် မဖျားဘူးခဲ့။ အရွယ်ရောက်လာ၍ ငှက်ဖျားတောတွင် ကျင်လည်သွားလာနေခဲ့သော်လည်း နှာစေး ချောင်းဆိုးမှလွဲ၍ ကြီးကြီးမားမား မဖျားစဖူး။ ဖျားလျှင်လည်း ထိုအဖျားသည် တစ်ရက်နှစ်ရက်ထက် ပို၍မကြာ။ သို့သော် အရွယ်ရလာသည်နှင့်အမျှ ခန္ဓာကိုယ်သည် ယိုယွင်းလာလေပြီ။ လွန်ခဲ့သော သုံးလေးနှစ်ခန့်မှစ၍ တစ်နှစ်လျှင် တစ်ကြိမ် မှန်မှန်ကြီး ဖျားလေတော့သည်။ ဖျားလိုက်လျှင်လည်း မသက်သာ။ တစ်ရက်လျှင် လေးငါးခြောက်နာရီ မိုးတိုးမတ်တပ်ဖြင့် စာသင်ခဲ့ရသော ဒဏ်တို့က ဖျားပဟေ့ဆိုလျှင် ဒဏ်ပြန်ပေါ်လေတော့သည်။ ခြေဆစ်လက်ဆစ်တို့ ကိုက်ခဲပြီး တဟီးဟီး ညည်းရလေတော့သည်။ မိုးလင်းမှ မိုးချုပ် အနားမပေးဘဲ မညှာမတာ အခိုင်းခံခဲ့ရသော မျက်လုံးအစုံကလည်း ဖျားသည်နှင့် တပြိုင်တည်း ဦးဟန်ကြည်ကို ပညာပေးပြန်လေသည်။ မျက်ရိုးကိုက်လိုက်သည်မှာလည်း ပေါက်ထွက်မတတ်။ အအိပ်အနေကို မဆင်ခြင်သော ဒဏ်ကလည်း ခံရသေးသည်။ဖျားပြီဆိုသည်နှင့် ခေါင်းကိုက်လိုက်သည်မှာ ငယ်ထိပ်ကို ဆယ်ပေါင်တူနှင့် ထုနေသည်နှင့်ပင် တူတော့သည်။ ငယ်နုစဉ်က တစ်ရက်နှစ်ရက်ဖြင့် နာလန်ထနိုင်ခဲ့သော မောင်ဟန်ကြည် မဟုတ်တော့ပြီ။ နာလန်ထဖို့ သုံးလေးရက် အရှိန်ယူရသော ဦးဟန်ကြည် ဖြစ်နေလေပြီ။ သည်ကရှေ့တွင် ပို၍ပင် ဆိုးပေဦးတော့မည်။ တမြတ်တနိုး ကျွေးမွေးသုတ်သင်ပြုစုထားခဲ့ရသော ခန္ဓာကိုယ်ကြီးက တစ်နှစ်ထက်တစ်နှစ် ပို၍သစ္စာဖောက်ပေဦးတော့မည် မဟုတ်ပါလား။

မနေ့မနက်က အိပ်ရာထလိုက်ချိန်တွင် ဦးဟန်ကြည် အခြေအနေမကောင်း။ တစ်ကိုယ်လုံး ကိုက်ခဲနေသည်။ တကျွတ်ကျွတ် စုတ်သပ်ပြီး အိပ်ရာမှ ထရ၏။ ခေါင်းကလည်း မကြည်။ ရီဝေေ၀ မူးနောက်နောက်နှင့် မသောက်ရဘဲ မူးနေ၏။ အိပ်ရာထက်တွင် လှဲနေချင်သော်လည်း မလှဲနိုင်။ လစဉ်လတိုင်း၏ ပထမပတ်သည် ဦးဟန်ကြည်၏ သင်တန်းသားများအတွက် စာမေးပွဲ သီတင်းပတ် မဟုတ်ပါလား။ ကိုက်နေသော မျက်လုံးအစုံကို မရမက ပြူးပြဲဖွင့်ပြီး မေးခွန်းထုတ်ရသည်။ ခေါင်းနောက်နောက်ဖြင့် မည်သည့်ပုစ္ဆာများကို မည်သို့မေးလိုက်မိမှန်းပင် မစဉ်းစားနိုင်တော့။ မေးခွန်းထုတ်ခြင်း၏ အခြေခံမူဝါဒတို့ကိုလည်း မစဉ်းစားနိုင်။ Bloom’s Taxonomy သည်လည်း ဘယ်ပြေးမှန်း မသိတော့။ မတတ်နိုင်။ ကိုယ်မချိလျှင် အမိသော်လည်း သားတော်ခဲသည် မဟုတ်လား။ စာသင်ချိန်သို့ရောက်၍ ကျောင်းသားများကို မေးခွန်းနှင့် အဖြေလွှာများ ဝေပြီးလျှင် ဦးဟန်ကြည် မဟန်နိုင်တော့ပြီ။ မကြည်နိုင်တော့ပြီ။ Dream bed တစ်လုံးပေါ်တွင် စန့်ရင်း တဟီးဟီး ညည်းရလေတော့သည်။ မျက်စိမှိတ်ရင်း အဖျားတက်နေသော်လည်း ဇိမ်ရှိရှိ မဖျားရ။ ဆယ်မိနစ်တစ်ခါလောက် မျက်စိဖွင့်ပြီး စာမေးပွဲဖြေနေသော ကျောင်းသားများကို ကြည့်ရလေသည်။ ဆရာအိပ်မနေကြောင်း သင်းကလေးတို့ သိစေရန် အသံပေးရပြန်လေသည်။ စိတ်ညစ်ဖွယ် ကောင်းလေစွ။ စာမေးပွဲဖြေပြီးလျှင် သင်လက်စ သင်ခန်းစာကို ဆက်သင်ရသေးသည်။ ခေါင်းကိုက်ကိုက်နှင့် သင်္ချာပုစ္ဆာရှင်းပြရသည်မှာ အရသာ တစ်စက်ကလေးမျှ မရှိ။ Geometric progression သင်ခန်းစာသည် ကျန်းမာလန်းဖြာနေသောအချိန်တွင် သင်ကြားရသည်မှာ အင်မတန်အရသာရှိသော သင်ခန်းစာ။ ပုစ္ဆာ၏ လှပသော လှည့်ကွက်များကို ကျောင်းသားများ သဘောပေါက်စေရန် ရှင်းပြရသည်မှာ အလွန်အာတွေ့ဖို့ကောင်းသည်။ သို့သော် ဖျားနေချိန်တွင်မူကား ထိုသင်ခန်းစာသည် အင်မတန်မှပင် မုန်းဖို့ကောင်းလှ၏။ ခက်ခက်ခဲခဲ ပုစ္ဆာဆင်ထားသော ရွှေဥာဏ်ရှင်များကိုပင် စိတ်ထဲမှ ကျိန်ဆဲမိတော့သည်။

စာသင်ချိန်တစ်ချိန်ပြီးအောင် ဇွဲခတ်၍ သင်ပြီးလျှင် ဦးဟန်ကြည် ချာဂျင်ခန်းလေပြီ။ မတ်တပ်ပင် ကောင်းကောင်း မရပ်နိုင်တော့။ နောက်တစ်ချိန်ကို အနားပေးပြီး အိမ်ပြန်၍ အနားယူလိုလှသည်။ သို့သော် ကျောင်းသားသစ်နှစ်ယောက် လာအပ်ထားသည်က ရှိသေးသည်။ ကျောင်းသားသစ်က ပထမဆုံး စာသင်ချိန် လာတက်ချိန်တွင် ဆရာဖြစ်သူက ကျောင်းပျက်နေလျှင် သဘာဝမကျ။ ထို့ကြောင့်ပင် စာသင်ချိန်ကို မရောက်ရောက်အောင် ဦးဟန်ကြည် ကုန်းရုန်းသွားရပေဦးတော့မည်။ သည်ကြားထဲတွင် ရာသီဥတုက ဦးဟန်ကြည်ဘက်မပါ။ တစ်နေ့ခင်းလုံး ကြည်ကြည်လင်လင်ရှိနေရာမှ ပထမစာသင်ချိန်အပြီးတွင် ရွာလိုက်သည့်မိုးက သည်းကြီးမည်းကြီး။ မတတ်နိုင်။ မိုးကာအင်္ကျီကို ထုတ်ဝတ်ပြီး စီးတော်ဆိုင်ကယ်ကိုခွ၍ နောက်တစ်ဝိုင်း ကူးရလေတော့သည်။ ဖျားရသည့်ကြားတွင် မိုးမိသည်မှာ အခံရဆိုးပေစွ။ ချမ်းလိုက်သည်မှာလည်း မေးချင်းရိုက်မတတ်။ ဒုတိယ၀ိုင်းမှ ကျောင်းသားများကား သူရို့ဆရာကို ရုပ်အတော်ဖမ်းယူရပေလိမ့်မည်။ မျက်လုံးအစုံ နီရဲနေသည့် ခေါင်းစုတ်ဖွားနှင့် ဦးဟန်ကြည်ကား အခါတိုင်းကဲ့သို့ စတိုင်မတင်းနိုင်တော့ပြီကိုး။ ဖျားရသည့်ကြားတွင် သင်ရသည့် သင်ခန်းစာကလည်း လေအတော်ကုန်ပြန်သည်။ ကျောင်းသားသစ် နှစ်ယောက်ကလည်း ဘုရားစူး ဆယ်တန်းဟု ခေါ်ရပေချိမ့်။ ကျောင်းသားဟောင်းများကား ဦးဟန်ကြည်၏ သင်နည်းစနစ်နှင့် အသားကျနေ၍ မထောင်းတာသော်လည်း ကျောင်းသားသစ်နှစ်ယောက်က မျက်စိသူငယ်နှင့်။ သင်းကလေးတို့နှစ်ယောက် စိတ်ဓာတ်မကျစေရန် တစ်ယောက်ချင်းစီ ပြန်ရှင်းပြ ပြန်သင်ရပြန်သည်။ သောက်ထားသော Paracetamol တစ်လုံးကပဲ စွမ်းလေသလော မောင်ကျောင်းသားတို့ကပဲ စွမ်းလေသလော မပြောတတ်တော့ စာသင်ချိန် တစ်နာရီ မပြည့်ခင်ပင် ဦးဟန်ကြည် ချွေးစို့လာချေပြီ။ ဆရာတစ်ယောက်၏ အဖျားဖြတ်ဆေးကား စာသင်ကြားခြင်းပင် ဖြစ်မည်ထင်၏။

ချွေးစို့၍ အထိုက်အလျောက် အဖျားသက်သာသွားသော်လည်း ခြေဆစ်လက်ဆစ်တို့ ကိုက်သည့်ဒဏ်က မသက်သာသေး။ အခါတိုင်းကဲ့သို့ စာသင်ချိန်အပြည့် မသင်နိုင်။ ပုံမှန်စာသင်ချိန်ထက် တစ်နာရီစော၍ ကျောင်းလွှတ်ပေးလိုက်ရတော့သည်။ မောင်ကျောင်းသားများကား အတော်ပင် မြူးသွားကြလေသည်။ ဦးဟန်ကြည် နေ့တိုင်းဖျားပါစေဟုများ စိတ်တွင်းမှ ဆုတောင်းနေကြမည်လား မပြောတတ်။ စာသင်ရာမှ အိမ်အပြန်လမ်းတွင်ကား ဦးဟန်ကြည် ဟန်မဆောင်နိုင်တော့ပြီ။ ဆိုင်ကယ်ပေါ်တွင်ပင် တဟီးဟီး ညည်းရလေတော့သည်။ အိမ်ပြန်ရောက်လျှင် မဒမ်ဟန်ကြည်လည်း ပုံပျက်ပန်းပျက်ဖြစ်လာသော ဦးဟန်ကြည်ကို ကြည့်ရင်း ခြေမကိုင်မိ လက်မကိုင်မိ။ ဦးဟန်ကြည်ကလည်း ဖျားနေလျှင် ဒေါသကြီးတတ်ပြန်လေရာ မဒမ်ဟန်ကြည် ပျာယာခတ်မည်ဆိုလည်း ခတ်စရာပင်။ မဒမ်ဟန်ကြည် နှိပ်နယ်ပေးသောကြောင့် အကိုက်အခဲ အတန်အသင့် သက်သာသော်လည်း ခေါင်းကမထူနိုင်။ မူးလိုက်ဝေလိုက်သည်မှာလည်း ဆိုဖွယ်ရာပင်မရှိ။ စောစောစီးစီး အိပ်ရာမ၀င်ဖြစ်သည်မှာ ဆယ်စုနှစ်တစ်ခုမျှ ရှိသော အကျင့်ဆိုးကြီးက တစ်ဒုက္ခဖြစ်ပြန်သည်။ ဖျားနေသောကြောင့် အိပ်ပျော်လိုသော်လည်း အိပ်မပျော်။ အိပ်ပျော်သွားမည်ကိုလည်း မသိစိတ်က ကြောက်နေပြန်သည်။ ငယ်စဉ်ကတည်းက ဖျားပဟေ့ဆိုလျှင် အိပ်မက်ဆိုးများ မက်တတ်သည် မဟုတ်ပါလား။ နိုးလာလျှင် တစ်လုံးတစ်ပါဒမျှ မမှတ်မိသော ထိုအိပ်မက်ဆိုးကား မည်မျှ ကြောက်မက်ဖွယ် ကောင်းသည်ကို မမှန်းနိုင်။ ထိုအိပ်မက်ကြီး မက်ပြီးလျှင် အပြင်းအထန် အဖျားတက်၍ ကော့နေအောင် အန်ရသည်မှာ အမြဲလိုလို ဖြစ်သည်။ ယခုတစ်ခါ အိပ်ပျော်သွားလျှင်လည်း ဖျားနေကျ ထုံးစံအတိုင်း အိပ်မက် မက်ပြန်သည်။ သို့သော် အခါတိုင်း မက်နေကျ အိပ်မက်ဆိုး မဟုတ်တော့။ အိပ်မက်ထဲတွင် ဦးဟန်ကြည် လူကြီးဖြစ်နေသည်။ ဟိုလူ့ကို ဟိုနေရာပို့ သည်လူ့ကို သည်နေရာပို့ လုပ်နေသည်မှာ တစ်ညလုံးပင်။ ဟိုပို့သည်ပို့ လုပ်၍ အားရလျှင် လန့်နိုးပြန်သည်။ ပြန်အိပ်ပျော်သွားလျှင် ဟိုပို့သည်ပို့ လုပ်ပြန်၏။ မပို့ချင်လျှင်လည်း မရ။ အိပ်မက်ကို ဦးဟန်ကြည်မှ မပိုင်ဘဲ။

မနက်မိုးလင်းလျှင် အဖျားအတော်ကျသွားလေပြီ။ သောက်ထားသော ဆေးစွမ်းကြောင့်လား၊ မဒမ်ဟန်ကြည် နှိပ်နယ်ပေးသောကြောင့်လား၊ ဟိုပို့သည်ပို့ လုပ်ခဲ့သော အိပ်မက်ကြောင့်လားတော့ မပြောတတ်။ အိပ်ရာမှထလျှင် မေးခွန်းထုတ်သည်။ စာသင်ချိန်သို့ သွားသည်။ ဆရာဖြစ်သူက ဖျားနေသည့်ကြားမှ ကုန်းရုန်း၍ စာသင်ချိန်သို့ ရောက်လာပါလျှက် ကျောင်းသား သုံးယောက်က ကျောင်းပျက်နေပြန်သည်။ စာမေးပွဲသီတင်းပတ်တွင် ကျောင်းပျက်ခြင်းသည် ဦးဟန်ကြည်၏ သင်တန်းတွင် အကြီးမားဆုံး ပစ်မှုကျူးလွန်ခြင်း ဖြစ်တော့သည်။ ကျန်းကျန်းမာမာရှိနေလျှင် ဦးဟန်ကြည်၏ ဒေါသယမ်းအိုးကား မီးခိုးမဆုံး မိုးမဆုံး ပေါက်ကွဲပေဦးတော့မည်။ ယခုမူကား သင်းကလေးတို့အရေးထက် ကိုယ့်အရေးကို ပဓာနထားနေရသောကြောင့် ဒေါသမထွက်နိုင်။ အဖျားကောင်းကောင်း မပျောက်ခင် ဒေါသထွက်မိလျှင် ခေါင်းကိုက်ဦးမည်မှာ မုချ။ ထို့ကြောင့်ပင် နင်မလာရင်လည်း နင်စာမရရုံပေါ့ဟယ်ဟု ခပ်ပြတ်ပြတ်ပင် တွေးပစ်လိုက်သည်။ မတတ်နိုင်။ တစ်ခါတစ်ရံတွင်လည်း ဆရာဖြစ်သူက ကိုယ့်ဘက်ကို ကြည့်ပါဦးမှ။ သင်းကလေးတို့ဘက်ချည်း ကြည့်ရင်း ငဲ့ရင်း ကိုယ့်ကိုယ်ကို ဘာကောင်မှန်းပင် မသိတော့သော အကြိမ်ပေါင်းက မနည်းတော့ပြီကိုး။ စာမေးပွဲစစ်ပြီးလျှင် စာသင်ချိန်မဆက်နိုင်တော့ပြီ။ နာလန်ထအချိန်ကား အင်မတန် နုံး၏။ ကျောင်းသားများကို တန်းဖြုတ်ပေးလိုက်လျှင် တဟေးဟေး တဟားဟားဖြင့် ပျော်ကြလေတော့သည်။ ကလေးများကား သည်လိုချည်းပင် ဖြစ်သည်။ နောက်တစ်ချိန်ကိုလည်း မသွားနိုင်တော့ပြီ။ ညနေစောင်းလျှင် အဖျားတက်ချင်သည် မဟုတ်လား။ အိမ်ပြန်၍ တီဗီရှေ့ထိုင်ကာ သီချင်းကလေး နားထောင်ရင်း အားမွေးရန် စိတ်ကူးသည်။

အိမ်ပြန်ရောက်လျှင် တီဗီရှေ့တွင် ဦးဟန်ကြည် နေရာမရ။ မဒမ်ဟန်ကြည်နှင့် သူ့ကွန်ပျူတာသင်တန်းသားတို့က နေရာဦးပြီးနေလေပြီ။ ဘာတွေ သင်နေသည် မသိ။ မဒမ်ဟန်ကြည်ကလည်း လင်မယားချင်းပင် မာနအတော်ကြီးသည်။ သူစာသင်နေလျှင် ဦးဟန်ကြည် မကြည့်ရ။ သူသင်တာ မှန်သည် မှားသည် ဖြစ်ချင်ရာဖြစ် ဦးဟန်ကြည် ၀င်မပါရ။ သူမှားနေ၍ ဦးဟန်ကြည် ထောက်ပြလျှင်လည်း လက်မခံ။ ဟုတ်ကဲ့ အေးပါ လုပ်မှ ကျေနပ်လေသည်။ ကောင်းပါလေ့။ သီချင်းနားမထောင်ဘဲ အိပ်ရာထဲမှာ လှဲနေလိုက်ရင်လည်း အားပြည့်သွားမှာပါပဲလေဟု ဦးဟန်ကြည် အတွေးပြောင်းလိုက်ရသည်။ အိပ်ခန်းထဲဝင်၍ နှပ်နေလိုက်ရသော်လည်း ခေါင်းက သိပ်မကြည်သေး။ ဘယ်ကြည်လိမ့်တုန်း။ အိပ်ရန် ပြန်လာခဲ့သည်မှ မဟုတ်ဘဲကိုး။ စာအုပ်တစ်အုပ်ယူ၍ ဖတ်သော်လည်း စာထဲတွင် အာရုံမရ။ အိပ်သော်လည်း မပျော်။ ခဏကြာလျှင် မဒမ်ဟန်ကြည်က ဆန်ပြုတ်တစ်ပန်းကန် လာပို့သည်။ မသောက်ချင်ဟု ငြင်း၍လည်း မရ။ ဦးဟန်ကြည် ဘယ်သောက်ချင်မလဲ။ ခံတွင်းပျက်သည်မှ မဟုတ်ဘဲကိုး။ ရှိစေတော့ သဒ္ဓါနှင့်ကျွေးလျှင် သေဆေးတောင် စားရသေးသည် မဟုတ်လား။ တစ်ပန်းကန်ကုန်အောင် ဖျစ်ညှစ်၍ သောက်လိုက်ရသည်။ သမီးတော် ချီလီကို ကုတင်ပေါ် ကောက်တင်ထားလိုက်သည်။ သမီးတော် ခင်နန့်နန့်စိန်ကလည်း မျောက်ခြောက်ချက်က ကမ်းကုန်သည်။ ဦးဟန်ကြည် ဖျားနေသည်ကိုလည်း သင်းကလေးမသိ။ ကိုက်လိုက်ခဲလိုက် ဆွဲလိုက်နှင့် အားရအောင် ကမြင်း၍ အားရမှ ခုတင်ပေါ်မှ ဆင်းသွားလေ၏။ ချီလီဆင်းသွားမှ ဦးဟန်ကြည်လည်း အိပ်ကောင်းခြင်း အိပ်ရတော့သည်။ အိပ်ရာမှတရေးနိုးလျှင် တစ်ကိုယ်လုံး ချွေးများဖြင့် ရွှဲရွှဲစိုနေလေပြီ။ တစ်နှစ်တစ်ခါ ဖျားမြဲထုံးစံကို မည်သည့်နည်းနှင့်မျှ အပျက်မခံသော ဦးဟန်ကြည်၏ ရာသီဖျားကား လွန်မြောက်ခဲ့ချေပြီတည်း။

အိပ်ခန်းတွင်းမှ အပြင်သို့ထွက်လိုက်လျှင် ကွန်ပျူတာ သင်တန်းသား မရှိတော့။ ဦးဟန်ကြည် သီချင်းနားထောင်ရန် အခွင့်သာပေပြီ။ အွန်လိုင်းပေါ်မှ စိတ်ကြိုက်ရွေးချယ်ပြီး ဒေါင်းယူထားသော သီချင်းများစုစည်းထားသည့် Memory stick ကို evd player တွင်တပ်သည်။ မာမာအေး၏ မြို့မသီချင်းများကို သာယာနာပျော်ဖွယ်ဖြစ်အောင် အသံကိုညှိ၍ဖွင့်သည်။ ပြီးလျှင် တီဗီရှေ့တွင် dream bed ကို သက်တောင့်သက်သာဖြစ်အောင် ခင်း၍ ကျကျနနကြီး ကျောခင်းချလိုက်လေတော့သည်။ အဖျားကြောင့် ယုတ်လျော့ကုန်ဆုံးသွားခဲ့သော ဦးဟန်ကြည်၏ ကိုယ်ခံအားများကို အလင်္ကာကျော်စွာ ဆရာငြိမ်းက အလင်္ကာဂီတစွမ်းဖြင့် တစ်မုဟုတ်ချင်း ဖြည့်ပေးပေလိမ့်မည်။ မြန်မာ့ဂီတသည် ဦးဟန်ကြည်အတွက် နှလုံးသား၏ ဓာတ်စာပင် မဟုတ်ပါလား။

ထိုအချိန်တွင် ချစ်စွာသော မဒမ်ဟန်ကြည်ကား မြန်မာသီချင်းများကို ဦးဟန်ကြည်ဖွင့်တိုင်း လုပ်မြဲလမ်းစဉ်ကို လိုက်နာ၍ အိပ်ခန်းတွင်းဝင်ကာ ကွန်ပျူတာတစ်လုံးဖြင့် ဖွဘုတ်သုံးကာ နေလေတော့သည်။ ထုံးစံကို ဗုန်းမှန်၍ပင် ပျက်နိုင်ပါအံ့နည်း . . .း) ။   ။

ဦးဟန်ကြည်နှင့် ပရဟိတ . . .

ခေတ်ကြီးကား တိုးတက်လှသည်။ လူထုကလည်း သမိုင်းတစ်လျှောက်တွင် မကြုံစဖူး တက်ကြွလှပါ၏။

photo credit to Google

Civil society ဟု အမည်တွင်သည့် လူမှုအဖွဲ့အစည်းများလည်း မိုးဦးကျမှိုများကဲ့သလို့ အလျှိုအလျှိုပေါ်လာလာလိုက်ကြသည်မှာ ဟောတစ်ဖွဲ့ ဟောတစ်ဖွဲ့။ ခေါင်းစဉ်ပေါင်းစုံ လုပ်ဆောင်ချက်ပေါင်းစုံဖြင့် လူထုအကျိုးကို စွမ်းသမျှ သယ်ပိုးကြမည့် ထိုလူမှုအဖွဲ့အစည်းများကို ဦးဟန်ကြည် ချစ်သည်။ ထိုအဖွဲ့အစည်းများတွင် စိတ်ရောကိုယ်ပါ နှစ်မြှုပ်လုပ်ကိုင်နေသူ လူငယ်လူကြီးမရွေးကို ဦးဟန်ကြည် လေးစားသည်။ လူထုကို ဦးဟန်ကြည် ချစ်သည် မဟုတ်ပါလား။

ဦးဟန်ကြည်ကိုယ်တိုင်လည်း ပရဟိတအလုပ်ကို နိုင်သလောက် စွမ်းသလောက် လုပ်ဖြစ်သည်။ အဖွဲ့အစည်းတစ်ခုခု၏ ခေါင်းစဉ်အောက်သို့ကား မ၀င်ဖြစ်ခဲ့။ မည်သည့်လုပ်ငန်းကိုမဆို ကိုယ်စိတ်ကိုယ်ပိုင် လွတ်လွတ်လပ်လပ် လုပ်ကိုင်လိုသော ဆန္ဒကြောင့်ပင် ၀ါသနာတူရာ မိတ်ဆွေများနှင့် ညှိုနှိုင်းပြီး လိုအပ်သောနေရာများကို ဖြည့်သည်။ သို့သော် စားဝတ်နေရေးအတွက် အလုပ်တစ်ဖက် လုပ်ရပြန်သောကြောင့် စဉ်ဆက်မပြတ်မလုပ်နိုင်။ ထို့ကြောင့် နိုင်သလောက်ကိုသာ ကျကျနန လုပ်ခြင်း ဖြစ်လေသည်။

ကိုယ်တိုင် ပရဟိတ လုပ်ရုံနှင့် အားမရသေးဘဲ တပည့်များကိုလည်း ပရဟိတစိတ်ဓာတ်ဝင်စေရန် ဟောပြောခြင်းသည် ဦးဟန်ကြည်၏ တစ်နေ့တာ လုပ်ငန်းများထဲမှ တစ်ခု။ မလိုအပ်ဘဲ မုန့်ဝယ်စားပစ်လိုက်သော ပိုက်ဆံသည် ဖြုန်းတီးခြင်းဖြစ်ကြောင်း ထိုငွေပမာဏ တစ်ထောင်နှစ်ထောင်သည် မရှိဆင်းရဲသားများအတွက် ထမင်းတစ်နပ် ဖြစ်သွားနိုင်ကြောင်း အသိပညာပေးသည်။ ငွေ လေးငါးထောင် မျှဖြင့် ဘ၀ပျက်ကြရသူများရှိကြောင်းကို သဘောပေါက်စေရန် ရှင်းပြသည်။ အထိုက်အလျောက် အောင်မြင်မှုရပါ၏။ ရာနှုန်းပြည့် အောင်မြင်မှုရစေရန်တော့ ဦးဟန်ကြည် မစွမ်း။ မုန့်ဖိုးတစ်ထောင်သုံးမည့်နေရာတွင် ငါးရာသာသုံးလျှင်ပင် ကျေနပ်ရပေပြီ။

လွန်ခဲ့သောနှစ်က ဦးဟန်ကြည်နှင့် စိတ်တူကိုယ်တူ မိတ်ဆွေများ ဘုန်းတော်ကြီးသင်ပညာရေးကျောင်းတစ်ကျောင်းသို့သွား၍ လိုအပ်ချက်များကို လေ့လာကြသည်။ ကျောင်းကလေးကား သပ်သပ်ရပ်ရပ်။ ကျောင်းသားအတန်ငယ်များသည်။ လေးတန်းအထိ အတန်းငါးတန်းတွင် ကျောင်းသားတစ်ရာ့ငါးဆယ်သည် ကျောင်းနှင့် မဆန့်ရင်ကာ။ ဆရာမအင်အားငါးယောက်ဖြင့် ရုန်းကြ ကန်ကြရှာသည်။ ဆရာမလေးများ၏ လစာကလည်း တစ်လမှ မြန်မာကျပ်ငွေ လေးသောင်း။ နေစရိတ်ကြီးမြင့်သော ဤဒေသတွင် ထိုငွေပမာဏဖြင့် ရပ်တည်ရန်မလွယ်။ မည်သို့ပင်ဆိုစေ လက်နက်ကိုင်ငြိမ်းချမ်းရေးအဖွဲ့များက ထိုဆရာမလေးများအတွက် နေစရာ အိမ်ခန်းများ စီစဉ်ပေးထားရာ နေရေးအဆင်ပြေသည်။ စားဝတ်နေရေးအတွက် အားလပ်ချိန်များတွင် ကျူရှင်ပြကြသည်။ ပြကြပါစေ။ သူရို့ရသော လစာက စားမှမစားလောက်ပေပဲ။

ထိုကျောင်းကလေးကိုကြည့်ပြီး ဦးဟန်ကြည်တို့ မိတ်ဆွေတစ်သိုက် ခေါင်းချင်းရိုက်သည်။ ကျောင်းတွင်လိုအပ်နေသော နည်းပညာ အကူအညီများပေးရန် ဆုံးဖြတ်ကြသည်။ ကွန်ပျူတာ တစ်စုံလှူရန် မိတ်ဆွေနှစ်ယောက် ညှိလိုက်ကြသည်။ ဦးဟန်ကြည်၏ ကျောင်းသားမိဘတစ်ဦးက printer တစ်လုံး လှူသည်။ ကျောင်းသားများက လေးကြောင်းမျဉ်းစာအုပ် ဒါဇင်ငါးဆယ်ခန့် လှူကြသည်။ ဆရာမများကို ကွန်ပျူတာ အခြေခံသင်ပေးရန် ဦးဟန်ကြည် စိုင်းပြင်းသည်။ သို့သော် အချိန်က ညှိမရ။ သူမအား ကိုယ်မအားဖြင့် နွေပေါက်သွားသည်။ လာမည့်နှစ်တွင်မှ သင်ပေးရန် ဦးဟန်ကြည် တာစူရပြန်သည်။

နွေကျောင်းပိတ်ရက်တွင် အညာတစ်ခွင် ခရီးထွက်၍ ပြန်ရောက်သောအခါ ထိုဘကကျောင်းတာဝန်ခံ ဦးပဉ္ဇင်းထံသွားသည်။ တာဝန်ခံကိုယ်တော်ကား မျက်နှာမကောင်း။ ကျောင်းထိုင်ဆရာတော်နှင့် ပြဿနာဖြစ်သည်ဟု ဆို၏။ ကိုယ်တော်ကလည်း သူ့ဘကကျောင်းကို သူ့ခြေသူ့လက် စီမံလိုသည်။ ကျောင်းထိုင်ဆရာတော်ကလည်း သူ့ကိုဘေးဖယ်ထားသည်ဟု ယူဆသည်။ အပျက်အပျက်ဖြင့် နှာခေါင်းသွေးထွက်ကြရင်း တာဝန်ခံကိုယ်တော်က ဘကကျောင်းကို စွန့်ရန်ဆုံးဖြတ်သည်။ အခြားတစ်နေရာတွင် တစ်ကျောင်းထောင်မည်ဆို၏။ လက်ရှိကျောင်းသားများကတော့ ကျောင်းဟောင်းတွင် နေရစ်ကြပေလိမ့်မည်။ ဆရာမများက မည်သို့ရပ်တည်ကြမည် မသိတော့။ ဦးဟန်ကြည် စိတ်ညစ်သွားသည်။ ပရဟိတအရေးအတွင် အတ္တမာနများ ပြိုင်နေကြလျှင် မည်သို့သဘာဝကျမည်နည်း။

အဆုံးသတ် သတ္တုချလိုက်လျှင် တာဝန်ခံကိုယ်တော် လူထွက်သွားသည်။ အခြားတစ်နေရာတွင် ကျောင်းတစ်ကျောင်းထောင်၏။ ဦးဟန်ကြည်တို့ လှူထားသော ကွန်ပျူတာများလည်း ပါသွားသည်။ ထိုကျောင်းအောင်မြင်သည် မအောင်မြင်သည်ကို ဦးဟန်ကြည် စိတ်မ၀င်စားတော့။ ပရဟိတသမားများကို ဦးဟန်ကြည် ဆန်းစစ်ရပေဦးတော့မည်။ အဘယ်ကြောင့် ပရဟိတ လုပ်ကြပါသနည်း။ မိမိ၏ တစ်ကိုယ်ရည် ထင်ပေါ်မှုအတွက် ပရဟိတ လုပ်ကြလေသလော မပြောတတ်တော့။

လူသည် အတ္တဖြင့် ရှင်သန်သော သတ္တ၀ါဖြစ်ကြောင်း ဦးဟန်ကြည် သိပါသည်။ အလှူအတန်းကိစ္စတွင်ပင် အတ္တကင်းကြသည် မဟုတ်။ လှူသမျှ ဆုတောင်းလိုက်လျှင် မိမိကိုယ်ကျိုးချည်း မဟုတ်ပါလား။ အတ္တမည်မျှပင်ရှိပါစေ ပရနှင့်ကြုံလျှင် မိမိ၏ အတ္တကို စွန့်ကြရပေလိမ့်မည်။ ထိုသို့မှ မစွန့်နိုင်ကြလျှင် လုပ်သမျှ အဟောသိကံပင် မဟုတ်လား။ ကိုတာရေးသော ပရဟိတ လုပ်ငန်းများဆိုင်ရာ စာတစ်အုပ်ကို ဦးဟန်ကြည် ဖတ်မိလျှင် ပရဟိတလုပ်ငန်းများ၏ ဦးတည်ချက် လုပ်ရပ်များ တလွဲဆံပင်ကောင်းဖြစ်နေသေးသည်ကို သဘောပေါက်မိသည်။ လှူတန်းရုံတစ်ခုတည်းဖြင့် လူတို့၏ ဘ၀ကို မြင့်မားအောင် မစွမ်းနိုင်။ ရှိစေတော့။ မလုပ်ဘဲ ဘေးထိုင်ဘုပြောနေသူများထက် လုပ်နေကိုင်နေကြသူများကို ကျေးဇူးတင်ရပေလိမ့်မည်။

ပရဟိတအသင်းအဖွဲ့များထဲတွင် နာရေးကူညီမှုအသင်းများကလည်း မြို့တိုင်းတွင် အင်အားကောင်းလှသည်။ ဦးဟန်ကြည်တို့ဒေသတွင် နာရေးကူညီမှုအသင်းတစ်သင်း ဖွဲ့ထား၏။ မြို့သူမြို့သားများ အထိုက်အလျောက် အဆင်ပြေသည်။ ၀မ်းသာရပါ၏။ သို့သော် အသင်းသက်တန်း သုံးလေးနှစ်မျှကြာလျှင် လူ့ဇာတိတို့ ထကြွလာပြန်လေပြီ။ မြို့တွင်းသုိ့အလှူခံထွက်သောအခါတွင် ကျွန်မတို့က ကျန်တဲ့အလှူခံတွေလို မဟုတ်ဘူး။ ရှင်တို့ကို တကယ်ကူညီနေတာ။ ထည့်ချင်သလို မထည့်ချင်သလို မလုပ်ကြပါနဲ့ ဟူသောစိန်ခေါ်သံတို့ကို ဦးဟန်ကြည် နားကလောလာသည်။ အလှူငွေပမာဏနည်းလျှင် ရပါတယ် ခင်ဗျားတို့ ဘယ်လောက်ပဲ ထည့်ထည့် ခင်ဗျားတို့ အသုဘကို ကောင်းကောင်းလုပ်ပေးမှာပါ ဟူသော ခနဲ့သံများကို ကြားပြင်းကတ်လာသည်။ ဦးဟန်ကြည်တို့ အိမ်နားမှ လူတစ်ယောက် တက်စီဆွဲစားရာမှ အဆင်မပြေသဖြင့် နာရေးအသင်းထဲဝင်သည်။ တစ်လမျှ မကြာခင် တောက်ပြောင်အရောင်ထွက်ပြီး စားနိုင်သောက်နိုင် ဆူဖြိုးလာလေရာ ဦးဟန်ကြည် မျက်စိလည်လေတော့၏။ နာရေးအသင်းကားပေါ်မှ နာရေး ယူနီဖောင်းဝတ်များ၏ ထီမထင်သောမျက်နှာပေး၊ သင်းတို့သေရင် ငါတို့လက်ထဲရောက်မှာပဲ ဟူသည့် စိတ်ထားများကို ဦးဟန်ကြည် စိတ်ကုန်နေလေပြီ။

လွန်ခဲ့သော တစ်ရက်ကျော်က မိတ်ဆွေစည်ပင်ဒုဦးစီးမှူးနှင့် စကားစပ်မိလျှင် နာရေးအသင်း နောက်တစ်သင်း ထပ်ပေါ်လာသော သတင်းဆန်းကို တအံ့တသြ ကြားရပြန်လေသည်။ ရှိပြီးသား တစ်သင်းသည်ပင် လုံလောက်နေပေပြီ။ ဤမြို့တွင် အသုဘကို ရက်ဆက်ပို့ရသည်မှာ ခပ်ရှားရှား။ တစ်ရက်လျှင် အသုဘနှစ်ခုရှိဖို့ဆိုသည်မှာလည်း ဖြစ်တောင့်ဖြစ်ခဲ။ ပရဟိတ လုပ်ငန်းများ လုပ်စရာ ဒုနှင့်ဒေး ရှိပါလျှက်နှင့် အဘယ်ကြောင့် နာရေးအသင်းကိုသာ မျက်စေ့ကျနေရသနည်း မပြောတတ်တော့။ မိတ်ဆွေက မသာတစ်ခေါက် ကျောင်းဆယ်ခေါက်ဟူသည့် ဆိုရိုးစကားကို ထောက်ပြသည်။ အနှီလိုသာဆိုလျှင် သူရို့ပရဟိတ လုပ်ကြသည်မှာ အတ္တဟိတ ဖြစ်နေပေရော့မည်။ မိမိအတွက် အကျိုးအများဆုံး ရှိမည့် ပရဟိတမျိုးကိုသာ လုပ်လိုသည်ဆိုပါက အဘယ်မှာလျှင် ပရဟိတ ဖြစ်ပါဦးမည်နည်း။

အသစ်ထောင်သော နာရေးအသင်းကလည်း စကတည်းက ယဉ်သကိုဟု ဆိုရပေတော့မည်။ နာရေးအသင်းရုံးအတွက် မြေနေရာရွေးကြရာတွင် သစ်တောဌာနနှင့် ညှိနှိုင်းပြီး သူရို့လိုချင်သော နေရာကို လက်ညှိုးထိုးပြလိုက်သည် ဟူ၏။ အဖွဲ့အစည်းများနှင့် ပြဿနာမဖြစ်လိုသော သစ်တောကလည်း မြေပုံထုတ်ပေးပြီး ဟုတ်ကဲ့အေးပါ လုပ်လိုက်လေရာ စည်ပင်ခေါင်းပေါ်သို့ ထိုအထုပ်က အပုံလိုက်ကျလေတော့သည်။ သူရို့ရွေးထားသော မြေနေရာက သင်္ချိုင်းမြေဖြစ်နေသည်။ စည်ပင်လုပ်ထုံးလုပ်နည်းများအရ သင်္ချိုင်းမြေဟူသည်မှာ ဒေသန္တရ အုပ်ချုပ်ရေးအဖွဲ့ အရေးမပိုင်။ ၀န်ကြီးအဆင့်မှ တိုက်ရိုက်ကိုင်တွယ်သည်။ လုပ်ထုံးလုပ်နည်းက သမာသမတ်ကျသည်။ ထိုသို့မဟုတ်လျှင် မြို့ပြအုပ်ချုပ်ရေးအဖွဲ့အစည်းက သင်္ချိုင်းမြေကို အလွဲသုံးစားလုပ်ကြမည် မဟုတ်လော။ သို့သော် နောက်ခံဘက်ဂရောင်း ထုနှင့်ထည်နှင့်လာသော နာရေးအသင်းသစ်က စည်ပင်ရှင်းပြသည်ကို လက်မခံ။ သူရို့လိုသောမြေနေရာကို ပေးလျှင်ပေး မပေးလျှင် ၀န်ကြီးထံတိုင်မည်၊ လွှတ်တော်သို့တင်ပြမည်ဟု ခြိမ်းခြောက်လေတော့သည်။ ဗဟိုဦးစီးစနစ်မှ စုတေစိတ်ကျပြီး ပြည်နယ်အစိုးရအောက်တွင် ကိုးရိုးကားယားဖြစ်နေသော စည်ပင်ခမျာ နေစရာမရှိတော့။

အချုပ်ဆိုရလျှင် ၀န်ကြီးကိုတင်ပြပြီး သူရို့လိုသော မြေနေရာကို အတည်ပြုပေးလိုက်ရပါသတည်း။ အတည်မပြု၍လည်း မဖြစ်။ လူမှုရေးကိစ္စတွင် ကဖျက်ယဖျက်လုပ်သည်ဟူသော နာမည်ဆိုးကြီးထွက်လာလျှင် သတင်းနွားတို့ အကြိုက် ဖြစ်ပေလိမ့်မည်။ ထိုအသင်းသစ်ရုံးစိုက်မည့် နေရာကား ယခင်ရှိပြီးသား အသင်းဟောင်းနှင့် မျက်နှာချင်းဆိုင်။ နှစ်သင်းကြားတွင် လမ်းတစ်ခုသာ  ခြားလေရာ မည်မျှ ပြဿနာရှုပ်ကြမည်ကို စဉ်စားစရာပင် မလို။ အသင်းဟောင်းထူထောင်သူ ပုဂ္ဂိုလ်နှင့် ယခု အသင်းသစ်ထူထောင်သူ ပုဂ္ဂိုလ်တို့တွင်လည်း ကျောင်းတော်က ရန်စရှိကြသည်ဟူ၏။ သေချာသည်မှာ ယခုအသစ်ဖွင့်သော နာရေးရုံးသစ်၏ အဆောက်အဦသည် ယခင်ရုံးဟောင်းထက် အဆပေါင်းများစွာ ပိုမိုကြီးကျယ်ပေလိမ့်မည်။ နာရေးဝန်ထမ်းသစ်များကိုလည်း အသင်းဟောင်းထက် ပိုမိုထောက်ပံ့ပေလိမ့်မည်။ ကောင်းပါလေ့။

ဦးဟန်ကြည် တစ်ခုတော့ စိုးရိမ်မိသည်။ အသင်းနှစ်သင်း မသာလုနေလျှင် ခက်ရပေတော့မည်။ မသေခင် အသက်ငင်နေစဉ်က မသာလာမှတ်နေလျှင် အဆင်မပြေ။ နှစ်သင်းပြိုင် မသာချရင်း စောင်းကြမြောင်းကြလျှင် သေပြီးသားမသာ အနေခက် အထိုင်ခက်ဖြစ်ရပေလိမ့်မည်။ ပရဟိတစိတ်ဓာတ်များ ဖောင်းပွခြင်းထက် ခေါင်းဆောင်လုပ်လိုစိတ်များ ဖောင်းပွခြင်းက အန္တရာယ် များလှပါ၏။ ဘုန်းကြီးမှန်လျှင် ဘက...လူမှန်ရင် မသာချ နေကြသည်မှာ ထူးပေဆန်းပေစွ။ ဦးဟန်ကြည်တို့ တိုင်းပြည်ကြီးတွင် ပရဟိတလုပ်ငန်းလုပ်စရာကိုင်စရာများ ဒုနှင့်ဒေး။ မရှိရှိရာ ရှာကြံ၍ ပရဟိတနေစရာမလို။ နာဂစ်ဘေးသင့် ဒုက္ခသည်များပင် ယခုအချိန်အထိ ဘ၀နှင့် စိတ်ဓာတ်များ ပုံမှန်ပြန်မဖြစ်ကြသေး။ မဒမ်ဟန်ကြည် သူရို့ဒေသကို ပြန်လျှင် နာဂစ်ဒုက္ခသည်များ၏ ဆင်းရဲဒုက္ခများကို မျက်မြင်တွေ့နေကျ။ စိတ်မကောင်းခြင်းကြီးစွာဖြင့် နိုင်သလောက် ထောက်ပံ့နေကျ။ ဘကသင့်သလောက် ဘက၊ မသာချသင့်သလောက် ချပြီးလျှင် ကျန်ပရဟိတများကိုလည်း လုပ်ကြပါဦးစို့။ ဒုတိယဦးကျော်သူ ဖြစ်ချင်စိတ်၊ ဒုတိယရွှေည၀ါဆရာတော် ဖြစ်လိုစိတ်များ ဘေးဖယ်ကြပါဦးစို့။ ကိုယ်စီကိုယ်စီ အတ္တတရားများ လျှော့ကြပါဦးစို့။

အသင်းကလေး အဖွဲ့ကလေးတစ်ခု ထူထူထောင်ထောင်ဖြစ်လာလျှင် စိတ်ကြီးဝင်တတ်သော ငါတကောကောတတ်သော မြန်မာ့ စိတ်ဓာတ်ကို မပြင်နိုင်ကြလျှင် ပရဟိတလုပ်ငန်းများ အဟောသိကံ ဖြစ်ရပေလိမ့်မည်။ ပရဟိတသည် တစ်ကိုယ်ရည် ကျော်ကြားမှု မဟုတ်၊ ဂုဏ်တုဂုဏ်ပြိုင်ရမည့် အရာမဟုတ်၊ နိုင်သလောက် စွမ်းသလောက် ရိုးရိုးကုတ်ကုတ် လုပ်ကြကိုင်ကြ ပံ့ပိုးကြရမည့် လုပ်ငန်းဖြစ်ကြောင်း ရွှေပြည်သားများ အမှန်မြင်နိုင်ကြပါစေသတည်း။   ။

( photo credit to Google )

“ နွံ ”

 

 မလာနဲ့ခင်

နွေရင်ခွင်ထဲ  ပူလောင်ဆဲမို့...

မလွမ်းနဲ့ခင်

မေ့တတ်ရင်လည်း  ကျေနပ်ဆဲမို့...

မငိုနဲ့ခင်

နှောင်တွယ်ငင်ခြင်း  ကင်းကြစို့...

ခင်ထားရာနေ  ခင်စေရာသွား

ခင့်အနားတွင်  ခစားဝပ်စင်း

ချစ်ခြင်း၏ကျွန်  သောက၀န်ထမ်း

မောင်ပင်ပန်းပြီ...

မျက်နှာတော်ဦး မော်မဖူးချင်

ကြည်ချိုရွှင်ပြ  စကားလှတို့

တမ်းတတတ်ခြင်း  နှောင်တွယ်ကင်းစွာ

နေလိုပါလည်း...

ရစ်ချည်နှောင်ဖွဲ့  ငြိ မိခဲ့သော

ထိုသံယောဇဉ်  နွယ်တစ်မျှင်ကြောင့်

ခင်စေသမျှ  လိုတရသော

မှော်ရုံတောဝယ်  မျက်စိလည်ရင်း

ချစ်ခြင်းများကြောင့် ရူးခဲ့ပြီ...။     ။

ဟန်ကြည်

၁၉.၉.၂၀၁၃ ( ကြာသပတေးနေ့ )

သမုဒယကဗျာတွေ မရေးဖြစ်တာ အတော်ကြာနေပါပြီ။ ဒီနေ့တော့ အမှတ်မထင် ကဗျာတစ်ပုဒ် စိမ့်ထွက်လာတာမို့ အမိအရ ဖမ်းထားလိုက်မိပါတယ်။ လူကြမ်းကြီးဦးဟန်ကြည်ရဲ့ အနုသယနှောတဲ့ ရှားပါးကဗျာလို့ ဆိုနိုင်ကောင်းပါရဲ့။

image credit to

Nude Descending a Staircase, No.2 - Marcel Duchamp - WikiPaintings.

wikipaintings.org

http://uploads4.wikipaintings.org/images/marcel-duchamp/nude-descending-a-staircase-no-2-1912.jpg