Sunday 18 July 2010

ကြည်ရေ...

ဒီနေ့ အာဇာနည်နေ့ပါ။ အများပြည်သူရုံးပိတ်ရက်လည်းဖြစ်ပါတယ်။ ကိုယ်ကတော့ ကိုယ်ဆုံးဖြတ်ထားသလို အနားမယူဘဲ အလုပ်ချိန်ကို သွားခဲ့ပါတယ်။ ကျဆုံးသွားကြတဲ့ အာဇာနည်တွေကို ဂုဏ်ပြုတဲ့အနေနဲ့ပါ။

ဒါပေမယ့် အများစုကတော့ ကိုယ်တို့ရဲ့အာဇာနည်တွေကို မေ့ကုန်ကြပြီထင်ပါရဲ့။ ဘယ်သူ့မျက်နှာမှာမှ ၀မ်းနည်းရိပ်တွေမတွေ့ရတော့ပါ။ အာဇာနည်နေ့ တို့မမေ့လို့ဆိုခဲ့ကြဖူးတဲ့ ကိုယ်တို့ကတော့ ဘယ်တော့မှမေ့မှာမဟုတ်ပါ။ ဒါပေမယ့် ဒီဘက်ခေတ်လူငယ်တွေကတော့ မေ့ကုန်ကြပါပြီ။ သူဘာတွေပေးဆပ်ခဲ့သလဲဆိုတာမပြောနဲ့ ဘယ်ရက်မှာမွေးလို့ ဇာတိဘယ်ကဆိုတာတောင် မသိကြတော့တာ အင်မတန်မှစိတ်ထိခိုက်ရပါတယ်။ အသက်ပေးသွားတဲ့သူတွေကိုတောင် လွယ်လွယ်လေးနဲ့မေ့နိုင်ပျောက်နှိင်လောက်တဲ့ ကျေးဇူးမသိတတ်တဲ့ လူမျိုးတွေဖြစ်ကုန်ကြတော့မယ်ထင်ပါရဲ့။ ကျေးဇူးမသိတတ်တဲ့သူတွေဖြစ်ပြီဆိုရင်တော့ ကျေးဇူးကန်းတဲ့အဆင့်ရောက်ဖို့ သိပ်မဝေးတော့ပါ။ အဲဒီလိုအဖြစ်မျိုးသာရောက်ကြရင်တော့ ကိုယ်တို့တိုင်းပြည်ကြီး သေချာပေါက်ပျက်စီးပါပြီ။ ထေရ၀ါဒ တိုင်းပြည်ဖြစ်ပြီး တိုင်းသူပြည်သားတွေမှာ သိမ်မွေ့နူးညံ့တဲ့စိတ်ထားတွေဘယ်များရောက်ကုန်ကြပါလိမ့်။

ကိုယ်တို့တွေ ဗိုလ်ချုပ်အောင်ဆန်းကိုလေးစားတယ်ဆိုတာ သူ့ရဲ့အတွေးအခေါ်တွေထက် သူ့ရဲ့ဖြူစင်တဲ့စိတ်ထားကိုပိုလေးစားတာပါ။ သာမန်လူသားတစ်ယောက်ဖြစ်တာမို့ သူ့ရဲ့တစ်ချို့လုပ်ရပ်တွေဟာ မှားချင်မှားနိုင်ပါတယ်။ ဒါပေမယ့် သူ့ရဲ့စိတ်နေစိတ်ထားကတော့ သန့်စင်မွန်မြတ်လွန်းတာ သေချာပါရဲ့။ ဆယ်ကျော်သက်အရွယ် ကောင်းကောင်းနေနိုင်တဲ့အခွင့်အရေး၊ ကောလိပ်ကျောင်းကပြီးရင် ချမ်းချမ်းသာသာနေနိုင်တဲ့ အခွင့်အရေးတွေကို စွန့်လွှတ်ပြီး တိုင်းပြည်အတွက်ဆိုတာကို ခေါင်းထဲထည့်ခဲ့တာကို လေးစားလို့မဆုံးနိုင်ပါ။ ပြန်တွေးကြည့်ရင် လောကစည်းစိမ်ဆိုတာ ကိုယ်တို့လည်းလိုချင်တာမို့ ဒါတွေကိုစွန့်ခဲ့တဲ့သူ့ကို မလေးစားဘဲမနေနိုင်ပါ။

ကြည်ရေ...ပဲပြုတ်နဲ့ နံပြားရရင် စားချင်တယ်ကွာ”ဆိုတဲ့ စာသားလေးကို တွေးမိတိုင်း ဗိုလ်ချုပ်ကို ကြည်ညိုတယ်ဗျာ...

1 comment:

ညယံ said...

ငါးမူးတန်းက ရုပ်ရှင်ကြည့်ခဲ့တဲ့ ဗိုလ်ချုပ်ကိုလေးစားပါတယ်။ ကျွန်မလည်းအလုပ်များနေတာ နဲ့ ဘာပိုစ့်မှတောင်မတင်လိုက်ရဘူး။

ကြိုက်ရင်ပေါ့လေ . . .

Powered By Blogger