ကြံဖန်ရ
သက်လာတဲ့ရေ၊ တောင်လေကဖမ်း
ရေပြင်မှာ လေ၀င်စိုင်း၊ လှိုင်းကြက်ခွပ်လမ်း။
ဒီလှိုင်းက လေသဟာ၊ ဗေဒါက ရေသမား
ဗေဒါခင် စုန်ချင်အား၊ ဒီလှိုင်းကတား။
ဒုက္ခဟဲ့မဗေဒါ
လှိုင်းပုတ်ပြန် ဆုတ်ဟန်ပြ၊ ဆင်းရသူ့မှာ။
ဆုတ်ရင်းလည်း သူဆင်းလာ
မြင်ပါပေါ့ပင်လယ်ဝ။
ရေစုန် လေဆန်မို့
ဗေဒါပျံ ကြံဖန်ရ၊ ချောင်းဒီလောက။
ဆရာဇော်ဂျီ
ငွေတာရီ၊ အမှတ် ၂၄ ဇွန် ၁၉၆၂
တေးစုံနဲ့ပဲ
တီတာတာ
ကညာမေဘုတ်က၊ ရွှေနှုတ်ချိုသွေး
ကျူရိုးရှင် ပီပီနွဲ့၊ လွမ်းမယ်ဘွဲ့တေး။
ပဒေသာ
ထေရ်ဝါရည်စူးလို့၊ လှေဦးမှာလေး
ကျူရိုးရှင်ပီပီနှော၊ စည်ဗြောသံတေး။
သောင်အခြေ
ခေါင်ရေလေမြူးတော့၊ ရေရူးတွေဖွေး
ကျူရိုးရှင် ပီပီဟိန်း၊ ဗိန်းဗောင်းသံတေး။
အကောင်သေ
တောင်လေရေတက်တော့၊ ရေယက်နဲ့တွေး
ကျူရိုးရှင် ပီပီညှင်း၊ ငိုချင်းသံတေး။
တက်မကူ
ရွက်ဖြူပူဖောင်းနဲ့၊ လှေလောင်းကိုယ်လေး
ကျူရိုးရှင် ပီပီပျိုး၊ ဘွဲ့ကြိုးသံတေး။
ပြူ့တပြူ
မြေငူ ဓနိကျွန်း၊ သောင်ထွန်းပြီလေး
ကျူရိုးရှင် ပီပီနော့၊ သားချော့သံတေး။
တေးမျိုးရယ်စုံ၊ ကုန်နိုင်ပါလေပဲ
မဗေဒါ စုန်ဆန်မြဲ၊ တေးစုံနဲ့ပဲ။ ။
ဆရာဇော်ဂျီ
ရန်ကုန်တက္ကသိုလ် နှစ်လည်စာစောင်(၁၉၅၇-၁၉၅၉)
ဆရာဇော်ဂျီ (ဦးသိန်းဟန်)ရဲ့ နာမည်ကျော် ဗေဒါလမ်းကဗျာများမှ ကောက်နုတ်တင်ပြပါသည်။
No comments:
Post a Comment